ઓઈલ ટેન્કર અકસ્માતમાં 8 ભારતીયોનો બચાવ, એકનું મોત, 3ની શોધખોળ યથાવત; Omanના દરિયામાં જહાજ ડૂબી ગયું
Oman: ઓમાનના દરિયામાં ગુમ થયેલા 13 ભારતીયોમાંથી એકનું મોત થયું છે. જ્યારે આઠનો આબાદ બચાવ થયો છે. બાકીના લોકોની શોધમાં ભારતીય નૌકાદળનું સર્ચ ઓપરેશન ચાલુ છે. 15 જુલાઈના રોજ, કેમરૂન ફ્લેગ શિપ પ્રેસ્ટિજ ફાલ્કન, જે દુબઈથી યમનના એડન પોર્ટ જઈ રહ્યું હતું, તે ઓમાનના સમુદ્રમાં પલટી ગયું હતું. જેમાં સવાર 16 લોકો ગુમ થયા હતા. આ 16 લોકોમાંથી 13 ભારતીય અને 3 શ્રીલંકાના નાગરિક છે.
માહિતી આપતાં વિદેશ રાજ્ય મંત્રી કીર્તિ વર્ધન સિંહે જણાવ્યું કે ભારતીય નૌકાદળનું 4 ભારતીયો માટે બચાવ અભિયાન હજુ પણ ચાલુ છે, જ્યારે 1 નાગરિકનું મોત થયું છે અને 8ને સુરક્ષિત રીતે બચાવી લેવામાં આવ્યા છે.
હુતી હુમલાથી પ્રભાવિત વિસ્તારમાં જહાજ ડૂબી ગયું
પ્રેસ્ટિજ ફાલ્કન દુબઈના હમરિયા બંદરથી યમનના એડન બંદર તરફ જઈ રહ્યું હતું. પરંતુ તેની મુસાફરી પૂર્ણ કર્યા વિના, આ તેલ ટેન્કર ઓમાનના દરિયાઈ વિસ્તારમાં પલટી ગયું. હુથી લડવૈયાઓએ છેલ્લા 8 મહિનાથી આ વિસ્તારની નજીકના ઘણા જહાજોને નિશાન બનાવ્યા છે. જો કે, જહાજ ડૂબવાનું કારણ હજુ સુધી જાણી શકાયું નથી અને ન તો તેમાં હુતીના ષડયંત્રના કોઈ પુરાવા મળ્યા છે.
કેવી રીતે થયો અકસ્માત?
ઓમાનની મેરીટાઈમ સિક્યોરિટી અનુસાર આ ટેન્કર યમનના બંદર એડન તરફ જઈ રહ્યું છે. ઓઇલ ટેન્કરની લંબાઈ લગભગ 117 મીટર હોવાનું કહેવાય છે જે 2007માં બનાવવામાં આવ્યું હતું. રાસ મદ્રકાહથી 25 નોટિકલ માઈલ દક્ષિણ-પૂર્વમાં બંદર શહેર દુકમ પાસે ઓઈલ ટેન્કર પલટી ગયું હતું. ડુકમ બંદર ઓમાનના દક્ષિણ-પશ્ચિમ કિનારે સ્થિત છે, જે દેશના મુખ્ય તેલ અને ગેસ પ્રોજેક્ટ્સની નજીક છે અને ઓમાનની મુખ્ય તેલ રિફાઇનરીનું ઘર છે. આ જહાજની ઓળખ પ્રેસ્ટિજ ફાલ્કન તરીકે કરવામાં આવી છે, જેના પર આફ્રિકન દેશ કેમરૂનનો ધ્વજ લહેરાતો હતો.