Vadodaraના સયાજીપુરામાં એક મકાનમાં આગ લાગતાં ત્યાં રહેનાર વ્યક્તિ ઊંઘમાં જ સળગી જવાની દુર્ઘટના બની છે. આવી આગ અચાનક અને ઉગ્ર હોવાના કારણે તે વ્યક્તિને બચાવવાની તક નહોતી મળી. આગ કેમ લાગી તેની તપાસ પોલીસ અને ફાયર બ્રિગેડ કરી રહી છે.
Vadodaraના સયાજીપુરા વિસ્તારમાં વિનાયક સોસાયટીના બી ટાવરમાં બનેલી આ દુર્ઘટનાએ આખા વિસ્તારમાં શોકની લાગણી ફેલાવી છે. 43 વર્ષીય કિરણકુમાર બંસીવાલ રાણા જેઓ રિલાયન્સ કંપની, હાલોલમાં વર્કર તરીકે કામ કરતાં હતા, તેઓ પોતાના ઘરમાં સુઈ રહ્યા હતાં અને એ દરમિયાન આગ લાગી ગઈ.
તેમની પત્ની માત્ર 10 મિનિટ પહેલાં નોકરીએ ગયા પછી જ આ દુર્ઘટના બની હતી. તે સમયે તેઓ ઘરમાં સંપૂર્ણ એકલા હતા. એસી ચાલુ હતું અને આગ લાગવાની શક્યતાઓમાં ઇલેક્ટ્રિક શોર્ટ સર્કિટની શક્યતા તણાઈ રહી છે, પણ હાલ સુધીમાં સાચું કારણ સામે આવ્યું નથી. પોલીસે તપાસ હાથ ધરી છે અને ફાયર બ્રિગેડ પણ આગ કઈ રીતે લાગી તે અંગે તપાસમાં છે.
Vadodaraમકરપુરામાં SRP ગ્રુપ-9ના સ્ટોરરૂમમાં પણ આગ લાગવાની ઘટના બની હતી. પરંતુ ફાયર બ્રિગેડની ટીમે સમયસર પહોંચી આગને કાબૂમાં લઈ વધુ નુકસાન થતું અટકાવ્યું છે. આવી ઘટનાઓમાં સુરક્ષા નિયમોનું પાલન કરવું ખૂબ જ જરૂરી છે.
Vadodaraના મકરપુરા વિસ્તારમાં આવેલા SRP ગ્રુપ-9ના સ્ટોરરૂમમાં લાગી ગયેલી આગના બનાવમાં ફાયર વિભાગે ખુબ જ મહેનતપૂર્વક કાર્ય કર્યું છે. સવારે 9:35 વાગ્યે આગ અંગે કંટ્રોલ રૂમમાં માહિતી મળતાની સાથે જ તાત્કાલિક ધોરણે પ્રતિસાદ આપીને વડોદરા ફાયર વિભાગના શૂરવીર જવાનો ઘટનાસ્થળે પહોંચ્યા હતા.
આગ એટલી ભયંકર હતી કે એક પછી એક કુલ 8 ફાયર ફાઇટિંગની ગાડીઓ સ્થળ પર મોકલવી પડી. આમાં ખાસ કરીને જીઆઈડીસી ફાયર સ્ટેશનની 4 ગાડીઓ અને પાણીગેટ, ટીપી-13, વાસણા અને વડીવાડી ફાયર સ્ટેશનની એક-એક ગાડીઓની ટીમે મળીને કામગીરી હાથ ધરી હતી. સૌના સંયુક્ત પ્રયત્નોથી પાંચ કલાકની લાંબી જહેમત બાદ આગ પર કાબૂ મેળવવામાં સફળતા મળી હતી. વધુ નુકસાન અટકાવવામાં ફાયર વિભાગે અસાધારણ હિમ્મત અને દ્રઢતાનું પ્રદર્શન કર્યું છે.
આ પણ વાંચો..
- Vibrant Gujarat રિજનલ કોન્ફરન્સ માટે માંડલ બેચરાજી સ્પેશિયલ ઇન્વેસ્ટમેન્ટ રિજન સજ્જ, ઇન્ફ્રાસ્ટ્રક્ચર પ્રોજેક્ટ્સનું કામ પુરજોશમાં
- લીંબડીમાં કોંગ્રેસ-ભાજપના વર્ષો જુના નેતાઓએ AAPનું ઝાડું પકડ્યું: Raju Karpada
- Anand: પૂર્વ કાઉન્સિલરની હત્યાથી શહેરમાં ખળભળાટ, કારણ અકબંધ
- ગાંધીનગરમાં ઝડપી ગતિએ આવતી BMW કારે બ્યુટિશિયનને કચડી નાખ્યો, ડ્રાઈવરની અટકાયત
- ભાજપના શાસનમાં દુકાન બચાવવા માટે મહિલાએ આત્મહત્યા કરી: AAP