સંગનઘાટ પર મહાકુંભ દરમિયાન ચર્ચાઓમાં આવેલા IIT બાબા ગાંજા સાથે પકડાયા છે. IIT બાબાનું સાચું નામ અભય સિંહ છે. સોશિયલ મીડિયા પર વાયરલ થયા બાદ તેમણે IIT બાબાનો ટેગ મળ્યો છે. તેઓ રાજસ્થાનના જયપુલમાં એક હોટલમાં રોકાયા હતા. આ સમય દરમિયાન, તે હોટલના રૂમમાંથી સોશિયલ મીડિયા પર લાઇવ આવ્યો અને આત્મહત્યા કરવાની ધમકી આપી હતી. લોકોએ આ અંગે પોલીસને જાણ કરતા પોલીસ તેમની રૂમ પર પહોંચી અને ત્યાં અભય પાસેથી ગાંજો મળી આવતા ચકચાર મચી છે.
IIT બાબા તરીકે ઓળખ આપતો અભય સિંહ જયપુરની એક હોટેલમાં રોકાયો હતો. અહીંથી જ તે લાઈવ આવ્યો અને આત્મહત્યા કરવાની ધમકી આપી રહ્યો હતો. આજે સ્થાનિક પોલીસ તેમની હોટલ પર પહોંચી અને ત્યાં પોલીસને કંઈક જુદી જ હકીકત જાણવા મળી હતી.
IPS દિગંત આનંદે જણાવ્યું કે પૂછપરછ દરમિયાન અભયે જણાવ્યું કે તેણે ગાંજાનું સેવન કર્યું હતું. દારૂના નશામાં તેણે શું કર્યું કે શું કહ્યું તે તેને યાદ નથી. પોલીસને તેની પાસેથી 1.5 ગ્રામ ગાંજા મળી આવ્યા બાદ તેઓએ તેની અટકાયત કરી છે, જોકે પોલીસે થોડા સમય પછી તેને છોડી દીધો છે. જો કે, અભય સિંહનો દાવો છે કે, તે અઘોરી બાબા છે અને પરંપરા મુજબ ગાંજાનું સેવન કરે છે.