Surat: પત્ની સાથે દારૂ વેચતા ગુજરાતી ફિલ્મ અભિનેતા-દિગ્દર્શકની ધરપકડ, બોટલો જોઈને ચોંકી ગઈ પોલીસ

Surat News: ગુજરાતના સુરતમાં એક ચોંકાવનારો કિસ્સો સામે આવ્યો છે. સુરતમાં દારૂ વેચવા બદલ પોલીસે ગુજરાતી સિનેમાના અભિનેતા અને દિગ્દર્શકની પત્ની સાથે ધરપકડ કરી છે. ગુજરાતી ફિલ્મ અભિનેતા અને દિગ્દર્શક પાસેથી પોલીસે મોટી માત્રામાં વિવિધ બ્રાન્ડની દારૂની સેંકડો બોટલો જપ્ત કરી છે. સુરત સિટી પોલીસના જણાવ્યા અનુસાર ઝડપાયેલા દારૂની કિંમત રૂ.2.86 લાખ છે.

પત્નીની ધરપકડ

Surat ડીસીપી ઝોન-1 આલોક કુમારના જણાવ્યા મુજબ પોલીસે ગુપ્ત માહિતીના આધારે કાર્યવાહી કરીને, ગુજરાતી ફિલ્મોના અભિનેતા અને દિગ્દર્શક જીમી બારૈયાની તેની પત્ની સાથે દારૂ વેચવા બદલ ધરપકડ કરી હતી. પોલીસે દારૂ મોકલનાર લોકોને વોન્ટેડ જાહેર કરી વધુ તપાસ હાથ ધરી છે. પોલીસના જણાવ્યા અનુસાર આ કામમાં જીમી બરૈયાની પત્ની મીનાક્ષીની પણ સંડોવણી સામે આવી છે. પોલીસ સમગ્ર મામલે ઉંડાણપૂર્વક તપાસ કરી રહી છે. ડીસીપી આલોક કુમારે જણાવ્યું કે કાપોદ્રા પોલીસે આ કાર્યવાહી કરી છે.

બંને ભાઈઓ ફિલ્મ લાઈનમાં જોડાઈ ગયા

પોલીસના જણાવ્યા અનુસાર આરોપીઓ પાસેથી રૂ. 2.85 લાખની કિંમતનો વિદેશી દારૂ, એક કાર અને રૂ. 10.91 લાખનો અન્ય કીમતી સામાન જપ્ત કરવામાં આવ્યો છે. પોલીસના જણાવ્યા અનુસાર આની સાથે તે કાર ખરીદવા અને વેચવાનો ધંધો પણ કરે છે. બંને જોડિયા ભાઈઓ પણ ફિલ્મી દુનિયા સાથે જોડાયેલા છે. સુરત શહેર પોલીસે તાજેતરમાં પોલીસ કમિશનર અનુપમ સિંહ ગેહલોતની સૂચના બાદ ડ્રગ્સ સામે ઝીરો ટોલરન્સ અભિયાન શરૂ કર્યું છે. પોલીસ ખાસ કરીને ડ્રગ્સ અને દારૂના વેચાણ પર નજર રાખી રહી છે. સુરત ગુજરાતના ગૃહ રાજ્ય મંત્રી હર્ષ સંઘવીનો હોમ જિલ્લો છે.