Surat: હીરા ચોરી કાંડ, 5 તસ્કરો બે રિક્ષામાં ચોરી કરીને ભાગ્યા, તિજોરી પરથી 2-3 શખ્સોના ફિંગરપ્રિન્ટ મળ્યા

Surat: સુરતના કાપોદ્રા વિસ્તારમાં આવેલી ડી.કે. એન્ડ સન્સ ડાયમંડ કંપનીમાંથી 32.48 કરોડ રૂપિયાના રફ અને પોલિશ્ડ હીરા સાથે રોકડા 5 લાખ રૂપિયા મળી કુલ 32.53 કરોડની ચોરી થતા શહેરમાં સનસનાટી મચી ગઈ છે. સૂત્રો મુજબ, આ ચોરી રવિવારે (17 ઑગસ્ટ) વહેલી સવારે 2 વાગ્યાની આસપાસ થઈ હતી. 5 શખ્સો બે રિક્ષામાં આવ્યા હતા, જેમાંથી એકમાં 3 અને બીજીમાં 2 તસ્કરો સાથે ગેસ કટર લાવ્યા હતા. ચોરી બાદ તેઓ સુરત રેલવે સ્ટેશન પરથી રિક્ષા છોડીને મુંબઈ કે રાજસ્થાન ભાગી ગયા હોવાની આશંકા છે.

શું છે મામલો?

કપુરવાડી બિલ્ડિંગના ચોથા માળે આવેલી ડાયમંડ કિંગ અને ડી.કે. એન્ડ સન્સ નામની બે હીરાની પેઢીઓ 48 વર્ષીય દેવેન્દ્રકુમાર ચૌધરી અને તેમના પરિવારજનો ચલાવે છે. 15મી ઑગસ્ટે બપોરે 3.30 વાગ્યા સુધી કામકાજ બાદ કર્મચારીઓને સાતમ-આઠમની રજા અપાઈ હતી, જેથી કારખાનું બંધ હતું. આ દરમિયાન તસ્કરો બિલ્ડિંગના મેઇન ગેટનું લોક તોડી અંદર ઘુસ્યા અને ગેસ કટર વડે તિજોરી તોડી નાખી હતી.

તિજોરીમાંથી ડાયમંડ કિંગ પેઢીના 5746.24 કેરેટ પોલિશ્ડ અને 87068.35 કેરેટ રફ હીરા તેમજ ડી.કે. એન્ડ સન્સ પેઢીના 3163.58 કેરેટ પોલિશ્ડ અને 16583.72 કેરેટ રફ હીરા મળી કુલ 32.48 કરોડના હીરા તથા 5 લાખ રોકડ ઉઠાવી લીધા હતા.

જાણભેદુની સંડોવણીની શંકા

તસ્કરોએ ઓળખ છુપાવવા સીસીટીવી તોડીને ડીવીઆર પણ લઈ ગયા હતા, જેના કારણે 50 હજાર રૂપિયાનું નુકસાન થયું છે. ઘટનાસ્થળે કોઈ સિક્યુરિટી ગાર્ડ હાજર ન હોવાથી સુરક્ષાની વ્યવસ્થા પર સવાલો ઊભા થયા છે. કપુરવાડીમાં અનેક હીરાના કારખાના હોવા છતાં ચોક્કસ આ કારખાનાને નિશાન બનાવવામાં આવતા જાણભેદુની સંડોવણી હોવાની શક્યતા છે.

300 કરોડનું ટર્નઓવર, છતાં સુરક્ષા ગાર્ડ નહીં!

માહિતી મુજબ, ચૌધરી પરિવારની આ પેઢીઓનું વાર્ષિક ટર્નઓવર 300 કરોડ જેટલું છે. છતાં રજાના દિવસોમાં એકેય ગાર્ડ તહેનાત ન હતો.

પોલીસની તપાસ

ફોરેન્સિક ટીમે સ્થળ પરથી તિજોરી પર બે-ત્રણ લોકોના ફિંગરપ્રિન્ટ, સિગારેટના ઠૂંઠા અને માવાની પડીકી મળી છે. આસપાસના સીસીટીવી ફુટેજમાં પણ બે થી ત્રણ અજાણ્યા શખ્સો રિક્ષામાં આવતા દેખાયા છે. હાલ સુરત સિટી પોલીસ તસ્કરોને પકડવા ચારે બાજુ તપાસ ચલાવી રહી છે.

આ પણ વાંચો

• Weather Forecast : શું વરસાદ ઠંડી વધારશે? ૮ રાજ્યોમાં વાવાઝોડા અને ભારે પવન સાથે ભારે વરસાદની ચેતવણી આપવામાં આવી છે.
• Smriti Mandhana ને તેના ઉત્કૃષ્ટ પ્રદર્શન માટે નોંધપાત્ર પુરસ્કાર મળ્યો, તેણે બીજી વખત આ ICC સ્પેશિયલ એવોર્ડ જીત્યો.
• Leh: લેહ એપેક્સ બોડીએ એક બેઠક યોજી… કાલે શાંતિ કૂચ અને ત્રણ કલાકનો બ્લેકઆઉટ; આ પ્રવૃત્તિ પર પણ ત્રણ મહિના માટે પ્રતિબંધ રહેશે!
• Film Dhuandhar નું ટાઇટલ ટ્રેક રિલીઝ થઈ ગયું છે, જેમાં અક્ષય ખન્ના અને સંજય દત્તના અદભુત લુક્સનો ખુલાસો થયો છે, અને રણવીર સિંહ ગોળીઓ ચલાવતા જોવા મળશે
• Pankaj dheer: અક્ષય કુમારની આ ફિલ્મનો ભાગ બનવાના હતા, મહાભારતની ‘અર્જુન’ આખી વાર્તાનો ખુલાસો કરે છે