Shubhmanની કપ્તાનીમાં યુવા ટીમે લહેરાવ્યો ત્રિરંગો, ઝિમ્બાબ્વેને શ્રેણીમાં 4-1થી હરાવ્યું.

Shubhman: શુભમન ગીલની કપ્તાની હેઠળ, ભારતીય ટીમે ઝિમ્બાબ્વે સામે 5 મેચની T20 શ્રેણી 4-1થી જીતી લીધી છે. બંને ટીમો વચ્ચે શ્રેણીની છેલ્લી મેચ રવિવારે હરારે સ્પોર્ટ્સમાં રમાઈ હતી, જે ભારતીય ટીમે જીતી હતી. તેણે શ્રેણીની છેલ્લી 4 મેચ જીતીને શ્રેણી પર કબજો કર્યો હતો.

ભારતીય ટીમ અને ઝિમ્બાબ્વે વચ્ચે 5 મેચની T20 શ્રેણીની છેલ્લી મેચ રવિવારે (14 જુલાઈ) રમાઈ હતી. આ મેચ હરારે સ્પોર્ટ્સમાં રમાઈ હતી, જેમાં ભારતીય ટીમ 42 રને જીતી હતી. આ સાથે જ શુભમન ગીલની કપ્તાનીમાં ભારતીય ટીમે ઝિમ્બાબ્વે સામેની આ શ્રેણી તેના જ ઘરમાં 4-1થી જીતી લીધી છે.

ટોસ હાર્યા બાદ પ્રથમ બેટિંગ કરવા ઉતરેલી ભારતીય ટીમે 168 રનનો લક્ષ્યાંક આપ્યો હતો. જવાબમાં ઝિમ્બાબ્વેની ટીમ 18.3 ઓવરમાં માત્ર 125 રન બનાવી શકી અને મેચ હારી ગઈ. ટીમ માટે ડીયોન માયર્સે સૌથી વધુ 34 રન બનાવ્યા હતા. જ્યારે તદીવનાશે મારુમણી અને ફરાઝ અકરમે સમાન 27 રન બનાવ્યા હતા.

ભારતીય ટીમ તરફથી એકદમ સચોટ બોલિંગ હતી. ફાસ્ટ બોલર મુકેશ કુમારે બોલિંગ કરીને તબાહી મચાવી હતી અને 22 રનમાં સૌથી વધુ 4 વિકેટ લીધી હતી. તેના સિવાય શિવમ દુબેને 2 સફળતા મળી. તુષાર દેશપાંડે, અભિષેક શર્મા અને વોશિંગ્ટન સુંદરે 1-1 વિકેટ લીધી હતી.

બંને ટીમો વચ્ચે T20 રેકોર્ડ

કુલ T20 મેચઃ 13

ભારત જીત્યું: 10

ઝિમ્બાબ્વે જીત્યું: 3

ભારત અને ઝિમ્બાબ્વેની પ્લેઈંગ-11:

ભારતીય ટીમઃ યશસ્વી જયસ્વાલ, શુભમન ગિલ (કેપ્ટન), અભિષેક શર્મા, રિયાન પરાગ, શિવમ દુબે, સંજુ સેમસન (વિકેટકીપર), રિંકુ સિંહ, વોશિંગ્ટન સુંદર, રવિ બિશ્નોઈ, તુષાર દેશપાંડે અને મુકેશ કુમાર.

ઝિમ્બાબ્વે ટીમઃ વેસ્લી માધવેરે, તદીવાનાશે મારુમાની, બ્રાયન બેનેટ, સિકંદર રઝા (કેપ્ટન), ડીયોન માયર્સ, જોનાથન કેમ્પબેલ, ક્લાઈવ મદંડે (વિકેટકીપર), ફરાઝ અકરમ, રિચર્ડ નગારવા, બ્લેસિંગ મુઝારાબાની અને બ્રેન્ડન માવુતા.