DC: દિલ્હી કેપિટલ્સે અચાનક કેપ્ટન બદલી નાખ્યો, અક્ષર પટેલ ટીમમાંથી બહાર, આ ખેલાડીને સોંપાઈ કમાન
DC: દિલ્હી કેપિટલ્સે અચાનક પોતાનો કેપ્ટન બદલવો પડ્યો, અક્ષર પટેલને ટીમમાંથી બહાર, જાણો મુંબઈ સામેની કરો યા મરો મેચમાં આ ટીમે આવો નિર્ણય કેમ લેવો પડ્યો?
IPLની 63મી મેચમાં દિલ્હી કેપિટલ્સને મુંબઈ ઇન્ડિયન્સ સામે મોટો ઝટકો લાગ્યો. દિલ્હી કેપિટલ્સને અચાનક પોતાનો કેપ્ટન બદલવો પડ્યો, અક્ષર પટેલ ટીમની બહાર થઈ ગયો. દિલ્હી કેપિટલ્સે ફાફ ડુ પ્લેસિસને કેપ્ટન બનાવ્યા છે. જ્યારે ડુ પ્લેસિસ ટોસ કરવા આવ્યો ત્યારે તેને પૂછવામાં આવ્યું કે અક્ષર પટેલને શું થયું છે, જેના જવાબમાં તેણે જવાબ આપ્યો કે તે છેલ્લા બે દિવસથી બીમાર છે. ફાફ ડુ પ્લેસિસે કહ્યું, ‘અક્ષર પટેલનું બહાર થવું દુર્ભાગ્યપૂર્ણ છે. તે છેલ્લા બે દિવસથી બીમાર છે, તેને તાવ છે. આશા છે કે તે જલ્દી ફિટ થઈ જશે. અક્ષર પટેલે આ સિઝનમાં ખૂબ જ સારું પ્રદર્શન કર્યું છે અને આજની મેચમાં અમને તેની ખોટ સાલશે.
ડુ પ્લેસિસ પાસે કેપ્ટનશીપનો પણ અનુભવ છે.
દિલ્હી માટે સારી વાત એ છે કે ડુ પ્લેસિસને કેપ્ટનશીપનો સારો અનુભવ છે. રોયલ ચેલેન્જર્સ બેંગ્લોરની કેપ્ટનશીપ કરી ચૂકેલા ફાફ ડુ પ્લેસિસ પોતાના અનુભવથી દિલ્હીને નવી દિશા આપી શકે છે. તાજેતરની ઈજા બાદ, તે હવે ફિટ છે અને કેપ્ટનશીપની જવાબદારી સંભાળવા માટે તૈયાર છે. આ મેચમાં દિલ્હી માટે ડુ પ્લેસિસની આક્રમક બેટિંગ અને વ્યૂહાત્મક વિચારસરણી મહત્વપૂર્ણ રહેશે.
સ્પર્ધાનું મહત્વ
મુંબઈ ઈન્ડિયન્સ સામેની આ મેચ દિલ્હી માટે કરો યા મરોની મેચ જેવી છે. મુંબઈએ છેલ્લી મેચમાં દિલ્હીને 12 રનથી હરાવ્યું હતું, જેમાં મધ્યમ ક્રમની નિષ્ફળતા અને નબળી ફિલ્ડિંગ હારમાં ફાળો આપ્યો હતો. ડુ પ્લેસિસની કેપ્ટનશીપ હેઠળ, દિલ્હી આ ભૂલોને સુધારવાનો પ્રયાસ કરશે.
દિલ્હી કેપિટલ્સ પ્લેઈંગ ઈલેવન: ફાફ ડુ પ્લેસિસ (કેપ્ટન), અભિષેક પોરેલ, સમીર રિઝવી, ટ્રિસ્ટન સ્ટબ્સ, આશુતોષ શર્મા, વિપરાજ નિગમ, માધવ તિવારી, કુલદીપ યાદવ, દુષ્મંત ચમીરા, મુસ્તિફિઝુર રહેમાન, મુકેશ કુમાર.
મુંબઈ ઈન્ડિયન્સ પ્લેઈંગ ઈલેવન: રેયાન રિકલ્ટન, રોહિત શર્મા, વિલ જેક્સ, સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન) તિલક વર્મા, હાર્દિક પંડ્યા, નમન ધીર, મિશેલ સેન્ટનર, દીપક ચહર, ટ્રેન્ટ બોલ્ટ, જસપ્રિત બુમરાહ.