IND vs ENG : ભારત અને ઇંગ્લેન્ડ વચ્ચેની ટેસ્ટ શ્રેણીમાં, પાંચેય મેચમાં બેટ્સમેનોનું વર્ચસ્વ મળ્યું જોવા

IND vs ENG : ભારત અને ઇંગ્લેન્ડ વચ્ચેની 5 મેચની ટેસ્ટ શ્રેણીમાં અત્યાર સુધી ઘણા અસંખ્ય રેકોર્ડ તૂટતા જોવા મળ્યા છે. આ ટેસ્ટ શ્રેણીની પાંચેય મેચમાં બેટ્સમેનોનું વર્ચસ્વ સ્પષ્ટપણે જોવા મળ્યું છે, જેના કારણે ઓવલ ટેસ્ટ મેચ દરમિયાન 49 વર્ષ જૂનો એક મોટો વિશ્વ રેકોર્ડ પણ તૂટી ગયો હતો. આ ટેસ્ટ શ્રેણીમાં, બંને ટીમોના કુલ 9 બેટ્સમેન 400 રનનો આંકડો પાર કરવામાં સફળ રહ્યા છે, જે આ પહેલા ટેસ્ટ ક્રિકેટના ઇતિહાસમાં કોઈ એક શ્રેણીમાં જોવા મળ્યો નથી.

આ બે ટેસ્ટ શ્રેણીનો રેકોર્ડ તૂટી ગયો

ટેસ્ટ ક્રિકેટના ઇતિહાસમાં અગાઉ જ્યારે બંને ટીમોના બેટ્સમેનોએ એક જ શ્રેણીમાં 400 થી વધુ રન બનાવ્યા હતા, ત્યારે તે 1975-76માં વેસ્ટ ઈન્ડિઝ અને ઓસ્ટ્રેલિયા વચ્ચેની શ્રેણી અને 1993માં એશિઝ શ્રેણીમાં સંયુક્ત રીતે જોવા મળ્યું હતું. આ બંને ટેસ્ટ શ્રેણીમાં કુલ 8 બેટ્સમેન એવા હતા જેઓ 400 થી વધુ રન બનાવવામાં સફળ રહ્યા હતા. હવે ભારત અને ઈંગ્લેન્ડ વચ્ચે રમાયેલી આ શ્રેણીમાં કુલ 9 બેટ્સમેનોએ 400 થી વધુ રન બનાવીને ટેસ્ટ ક્રિકેટના ઇતિહાસમાં એક નવો રેકોર્ડ બનાવવામાં સફળતા મેળવી છે.

એક ટેસ્ટ શ્રેણીમાં સૌથી વધુ 400 થી વધુ રન બનાવનારા બેટ્સમેન
ભારત વિરુદ્ધ ઇંગ્લેન્ડ ટેસ્ટ શ્રેણી – 9 બેટ્સમેન (વર્ષ 2025)
ઓસ્ટ્રેલિયા વિરુદ્ધ વેસ્ટ ઇન્ડીઝ – 8 બેટ્સમેન (વર્ષ 1975-76)
એશિઝ શ્રેણી – 8 બેટ્સમેન (વર્ષ 1993)
આ 9 બેટ્સમેન પોતાનો જાદુ બતાવવામાં સફળ રહ્યા
બંને ટીમો વચ્ચેની આ ટેસ્ટ શ્રેણીમાં, જ્યારે ભારતના કુલ 5 બેટ્સમેન 400 રનનો આંકડો પાર કરવામાં સફળ રહ્યા, ત્યારે શ્રેણીમાં ઇંગ્લેન્ડના ચાર ખેલાડીઓ આ આંકડો પાર કરતા જોવા મળ્યા. ભારત તરફથી કેપ્ટન શુભમન ગિલ ઉપરાંત, કેએલ રાહુલ, રવિન્દ્ર જાડેજા, ઋષભ પંત અને યશસ્વી જયસ્વાલનો સમાવેશ થાય છે, જ્યારે ઇંગ્લેન્ડ તરફથી જો રૂટ, જેમી સ્મિથ, હેરી બ્રુક અને બેન ડકેટે આ સિદ્ધિ મેળવી હતી.