રાજકોટમાં વધુ એક વખત સોશિયલ મીડિયા ઇન્ફ્લુએન્સર જન્નત મીરે ફિનાઇલ પી આપઘાત કરવાનો પ્રયાસ કરતા ખળભળાટ મચ્યો છે. ઘટના પહેલાં જન્નતે એક સુસાઈડ નોટ લખી હતી, જેમાં લાલો ઉર્ફે ઇમ્તિયાઝ રાઉમા દ્વારા અપાતા ત્રાસનો ઉલ્લેખ કર્યો હતો.
માહિતી મુજબ જન્નત મીરનું મૂળ નામ સમા ભાયાણી છે અને તેના સોશિયલ મીડિયા પર 5 લાખથી વધુ ફોલોઅર્સ છે. ત્રણ પાનાની નોટમાં જન્નતે જણાવ્યું હતું કે, ઇમ્તિયાઝ તેને ‘તોફાની રાધા’ની જેમ મારી નાખવાની ધમકી આપતો હતો. આ ઉપરાંત બંને વચ્ચે થયેલી વાતચીતનો એક ઓડિયો ક્લિપ પણ સામે આવ્યો છે. હાલ પોલીસે જન્નત મીરની ફરિયાદ નોંધાવી વધુ તપાસ શરૂ કરી છે.
જન્નત મીરે લખેલી સુસાઈડ નોટનો અંશ
“તારા દીકરા જેવી તારી લાડકી દીકરી (સમા) જન્નત…
સોરી મમ્મી… હવે મારાથી સહન થતું નથી. દુનિયામાં છોકરી માટે જીવવું સહેલું નથી. હું રોજ લડીને તૂટી ગઈ છું અને આ પગલું ભરવા મજબૂર થઈ છું. કેટલાંયે દિવસથી એકલી સહન કરતી હતી, પણ તમને ટેન્શન ન આપવા ચૂપ રહી. મારી ભૂલના કારણે એ આપણા ઘરે આવ્યો અને ખેલ કર્યા. એના ખોટા પ્રેમમાં પડીને ખોટો વિશ્વાસ કર્યો. છેલ્લા બે મહિનાથી સહન કરતી હતી, પણ હવે હારી ગઈ છું.
મને લાગ્યું હતું કે કેસ કરીશું તો ન્યાય મળશે, પણ ના. એ ગુંડા છે. ફોનમાં કહ્યું કે ‘તું પોલીસ કે CP પાસે જા, મારું કોઈ કંઈ નહિ કરે. ઓલીને મારી નાખી છે તેમ તને મારી નાખીશ, તારા છોકરાને પણ નહીં છોડું’. એના હાથે મરવાને બદલે હું મારા હાથે મરી જાઉં એ સારું.
મા, હું મરી જાઉં તો મારા દીકરાનું ધ્યાન રાખજે. દુનિયામાં છોકરીને જીવવાનો હક નથી, આવા લોકો છોકરીઓનો ઉપયોગ કરે, મારકૂટ કરે અને પછી ધમકાવે. અત્યાર સુધી ચૂપ હતી કે પોલીસ મને ન્યાય આપશે, પણ હવે વિશ્વાસ નથી.
મા, મારી મરણ પછી ન્યાય અપાવજે, જેથી બીજા સાથે આવું ન થાય. ઇમ્તિયાઝે ઇન્સ્ટાગ્રામ પર પણ ધમકી આપી છે. આજે હું જે પગલું ભરું છું એના માટે માત્ર ઈમ્તિયાઝ રાઉમા ઉર્ફે લાલો જ જવાબદાર છે.”
આ પણ વાંચો
- Border 2: સુનિલ શેટ્ટીએ ‘બોર્ડર 2’ માં અહાન શેટ્ટીને કાસ્ટ કરવામાં આવ્યા છે તે અંગે આ વાત કહી, ફિલ્મમાં કામ કરવાની ઇચ્છા વ્યક્ત કરી
- America માં એક પછી એક બેઠક, તેહરાન તણાવપૂર્ણ… ટ્રમ્પનો હુમલો કરવાની યોજના શું છે?
- Rahul Gandhi: વિપક્ષના નેતા રાહુલ ગાંધી અયોધ્યા રામ મંદિરની મુલાકાત લઈ શકે છે; તેમણે 2016 માં હનુમાનગઢીની મુલાકાત લીધી
- West Bengal: પશ્ચિમ બંગાળ સરકાર વિરુદ્ધ ED સુપ્રીમ કોર્ટમાં પહોંચી, શું મમતા બેનર્જી અને કંપની વિરુદ્ધ FIR દાખલ કરવામાં આવશે?
- Germany: ભારત અને જર્મનીએ પોસ્ટલ, એક્સપ્રેસ અને લોજિસ્ટિક્સ સેવાઓ માટે કરાર પર હસ્તાક્ષર કર્યા; વિગતો જાહેર કરવામાં આવી