Rajkot Crime News: રાજકોટના વિંચિયામાં ૫૦ વર્ષીય સ્કૂલ બસ ડ્રાઇવરની ૬ વર્ષની નર્સરી વિદ્યાર્થીની પર બળાત્કાર કરવાના આરોપસર ધરપકડ કરવામાં આવી છે. પોલીસે ભારતીય દંડ સંહિતાની કલમ ૬૫(૨) અને જાતીય ગુનાઓથી બાળકોના રક્ષણ (પોક્સો) કાયદાની કલમ ૫(૧), ૬ અને ૧૨ હેઠળ કેસ નોંધ્યો છે. ધ ટાઇમ્સ ઓફ ઇન્ડિયાના એક અહેવાલ મુજબ, આરોપી અને પીડિતા એક જ ગામમાં રહે છે. પીડિતાની માતાએ આરોપી વિરુદ્ધ FIR નોંધાવી હતી. ફરિયાદમાં આરોપ મૂકવામાં આવ્યો છે કે આરોપીએ ૧૩ જાન્યુઆરીએ છોકરીને અયોગ્ય રીતે સ્પર્શ કરવાનો પ્રયાસ કર્યો હતો અને પછી ૨૦ જાન્યુઆરીએ તેના પર બળાત્કાર ગુજાર્યો હતો.
પ્રારંભિક તપાસમાં જાણવા મળ્યું છે કે આરોપીએ છોકરીને ચોકલેટ આપીને લલચાવી, તેના ઘરેથી દૂર લઈ ગયો અને પછી તેના પર બળાત્કાર ગુજાર્યો હતો. વિંચિયા પોલીસ ઇન્સ્પેક્ટર એ.સી. ડામોરે જણાવ્યું હતું કે બુધવારે છોકરીએ શાળાએ જવાનો ઇનકાર કર્યો અને તેની માતાને ઘટના વિશે જાણ કરી ત્યારે આ મામલો પ્રકાશમાં આવ્યો હતો.
આરોપીની ગણતરીના કલાકોમાં ધરપકડ
કેસની ગંભીરતાને ધ્યાનમાં રાખીને, પોલીસે કલાકોમાં જ આરોપીની ધરપકડ કરી. પીડિતા અને આરોપી બંનેની તબીબી તપાસ કરવામાં આવી છે, જેના આધારે પુરાવા એકત્રિત કરવામાં આવી રહ્યા છે. પોલીસે જણાવ્યું છે કે આરોપીને એક પરિણીત પુત્રી અને એક પુત્ર છે. પોલીસ હાલમાં તપાસ કરી રહી છે કે શું તેણે અગાઉ આવા કૃત્યો કર્યા છે.
રાજકોટ પહેલા પણ શરમજનક બન્યું છે
રાજકોટના અટકોટ વિસ્તારમાં 7 વર્ષની બાળકી પર બળાત્કાર અને ક્રૂરતા બદલ ખાસ પોક્સો કોર્ટે તાજેતરમાં જ આરોપીને માત્ર 44 દિવસમાં મૃત્યુદંડની સજા ફટકારી હતી. 4 ડિસેમ્બરના રોજ અટકોટના કાનપર ગામની સીમમાં આ બાળકી પર બળાત્કાર થયો હતો. આરોપીએ છોકરીનું અપહરણ કર્યું હતું જ્યારે તે તેના પિતરાઈ ભાઈઓ સાથે ખેતરમાં રમતી હતી. 32 વર્ષીય વ્યક્તિ તેને બાઇક પર ઝાડીમાં લઈ ગયો અને પછી તેના પર બળાત્કાર કર્યો. એટલું જ નહીં, તેણે લોખંડના સળિયાથી છોકરીના ગુપ્ત ભાગોને લોહીથી તરબોળ કરી દીધા અને ઘટનાસ્થળેથી ભાગી ગયો.