Mamta Banerjee: પશ્ચિમ બંગાળના મુખ્ય પ્રધાન મમતા બેનર્જી નવી દિલ્હીમાં ચાલી રહેલી નીતિ આયોગની બેઠકમાંથી બહાર નીકળી ગયા હતા અને આરોપ લગાવ્યો હતો કે જ્યારે તેણીએ રાજ્ય માટે ભંડોળની ફાળવણી વિશે બોલવાનું શરૂ કર્યું ત્યારે તેમનું માઈક જાણી જોઈને બંધ કરવામાં આવ્યું હતું. “જ્યારે મેં બજેટમાં પશ્ચિમ બંગાળ સાથે ભેદભાવની વાત કરવાનું શરૂ કર્યું અને રાજ્ય માટે ભંડોળની માંગ કરી, ત્યારે તેઓએ મારું માઈક બંધ કરી દીધું અને મને બોલતા અટકાવી.
મમતા બેનર્જીએ મીડિયા સાથે વાત કરતા કહ્યું કે તમે (કેન્દ્ર સરકાર) રાજ્ય સરકારો સાથે ભેદભાવ ન કરો. હું બોલવા માંગતી હતી પરંતુ મને માત્ર 5 મિનિટ બોલવા દેવામાં આવી. મારા પહેલાના લોકોએ 10-20 મિનિટ વાત કરી. વિપક્ષમાંથી હું એક માત્ર એવો વ્યક્તિ હતી જેણે ભાગ લીધો હતો પરંતુ તેમ છતાં મને બોલવા દેવામાં આવી નહી. આ અપમાનજનક છે.”
મમતા બેનર્જીએ આરોપ લગાવ્યો કે જ્યારે હું બોલી રહી હતી ત્યારે મારું માઈક બંધ થઈ ગયું હતું. મેં કહ્યું કે તમે મને કેમ રોકી, કેમ ભેદભાવ કરો છો. હું મીટિંગમાં હાજરી આપી રહી છું, તમારે ખુશ થવું જોઈએ, તેના બદલે તમે તમારી પાર્ટીને, તમારી સરકારને વધુ અવકાશ આપી રહ્યા છો. વિપક્ષમાંથી હું એકલી જ છું અને તમે મને બોલતા રોકી રહ્યા છો…આ માત્ર બંગાળનું જ નહીં પરંતુ તમામ પ્રાદેશિક પક્ષોનું અપમાન છે…”
નીતિ આયોગની બેઠક થઈ રહી છે
વડાપ્રધાન મોદી 27મી જુલાઈના રોજ નીતિ આયોગની ગવર્નિંગ કાઉન્સિલની 9મી બેઠકની અધ્યક્ષતા કરી રહ્યા છે. તમામ રાજ્યોના મુખ્યમંત્રીઓ, કેન્દ્રશાસિત પ્રદેશોના લેફ્ટનન્ટ ગવર્નર અને ઘણા કેન્દ્રીય મંત્રીઓ તેમાં સામેલ છે, જ્યારે કેટલાક રાજ્યોના મુખ્યમંત્રીઓએ આ બેઠકનો બહિષ્કાર કર્યો છે. મમતા બેનર્જીએ માત્ર વિરોધ પક્ષમાંથી જ ભાગ લીધો હતો.