West Bengal : ધર્મના નામે ઘૃણાસ્પદ પાપ! આ મંદિરમાં ‘નકલી સેવકો’નો ઉપયોગ કરીને આવી પ્રવૃત્તિઓ ચલાવવામાં આવી રહી હતી

West Bengal, ગુજરાત અને મહારાષ્ટ્ર સહિત અનેક રાજ્યોમાંથી મંદિરમાં આવતા ભક્તો સાથે છેતરપિંડી થઈ રહી હતી. પોલીસે અહીંથી 12 નકલી સેવકોની ધરપકડ કરી છે. પોલીસ ટીમે તેમની પાસેથી રોકડ રકમ પણ જપ્ત કરી છે.

પુરી પોલીસે સોમવારે શ્રી જગન્નાથ મંદિરના સેવક તરીકે ઓળખાવીને ભક્તો પાસેથી પૈસા પડાવવાના આરોપમાં 12 લોકોની ધરપકડ કરી છે. આરોપીઓની ઉંમર 20 થી 51 વર્ષની વચ્ચે છે. આરોપીઓ બડાદંડા (ગ્રાન્ડ રોડ) અને પરિક્રમા માર્ગ પરથી સેવકોના વેશમાં ભક્તો સાથે છેતરપિંડી કરતા પકડાયા હતા.

નકલી સેવકો આ રાજ્યોના લોકોને છેતરતા હતા
પોલીસે જણાવ્યું કે આ ગેંગ ઘણા મહિનાઓથી સક્રિય હતી અને મુખ્યત્વે પશ્ચિમ બંગાળ, ગુજરાત, મહારાષ્ટ્ર, આંધ્રપ્રદેશ અને મધ્યપ્રદેશના યાત્રાળુઓને નિશાન બનાવતી હતી. સોશિયલ મીડિયા પ્લેટફોર્મ ‘X’ પર એક પોસ્ટમાં, પુરી પોલીસે જણાવ્યું હતું કે તેમણે બડાદંડા અને પરિક્રમા માર્ગ પર મંદિર સેવક તરીકે ઓળખ આપીને ભક્તો પાસેથી પૈસા પડાવવાના આરોપમાં 12 લોકોની ધરપકડ કરી છે.

14 મોબાઇલ ફોન અને રોકડ રકમ પણ જપ્ત કરવામાં આવી છે

પોલીસે આ નકલી સેવકો પાસેથી 14 મોબાઇલ ફોન અને 20,000 રૂપિયા રોકડા જપ્ત કર્યા છે. ભક્તોએ સેવકોના એક જૂથ દ્વારા હેરાન કરવામાં આવી હોવાની ફરિયાદ કર્યા બાદ પોલીસે કાર્યવાહી શરૂ કરી હતી.

નકલી સેવકોની ઓળખનો પર્દાફાશ

આરોપીઓની ઓળખ પ્રદીપ કુમાર બેહેરા (24), બલરામ બડાપંડા (22), મહિમા પ્રસાદ બરાલ (27), મનોરંજન સાહુ (32), જગન્નાથ દાસ (36), અર્જુન પ્રુસ્ટી (33), જગન્નાથ મિશ્રા (27), મહેશ્વર દાસ (34), સંતોષ રાઉત (20), સોનુ દાસ (23), પ્રદીપ કુમાર ત્રિપાઠી (51) અને સાગર રથ (23) તરીકે કરવામાં આવી છે, જે બધા પુરી શહેરના રહેવાસી છે. પોલીસે જણાવ્યું કે, આરોપીઓ પર ભારતીય દંડ સંહિતા (IPC) ની અનેક કલમો હેઠળ ગુનો નોંધવામાં આવ્યો છે.