‘દૂધી પ્રેમી DIG’ : પાડોશએ દૂધી તોડી તો DIG રોષે ભરાયા, સ્ટાફને સસ્પેન્ડ કરવા સુધીની ચેતવણી આપી દીધી

પ્રતિક ચૌહાણ, રાયપુર.

આમ તો પંચાયત વેબસિરિઝમાં મંત્રીજી સચિવને દૂધી ભેટ સ્વરૂપે આપી દે છે. પરંતુ એક DIG સાહેબ પોતાના પાડોશીને દૂધી આપી શક્યા નથી. હવે તમે એમ વિચારશો કે અમે દૂધીની વાત કેમ કરી રહ્યા છે, તો ચાલો, હું તમને આખી વાત અહીંયા રજૂ કરૂ છુ. આ વાત આમ તો RPFના ડી.આઈ.જી. મહોમ્મદ શાકીબના ઘરેથી શરૂ થાય છે અને પાડોશમાં રહેતા RPFના જવાન પાસેથી દૂધી પરત મંગાવતા તેનો અંત થાય છે.

થોડા દિવસ પહેલાની વાત છે. RPFના ડી.આઈ.જી. મહોમ્મદ શાકીબના આવાસ પાસે દૂધીની વેલ થઈ અને તેની પર દૂધી ઉગી નીકળી. આ વેલ વધતા વધતાં પાડોશમાં આવેલા એક અધિકારીના ઘર સુધી પ્રસરી અને પાડોશી અધિકારીના ઘર પાસેની વેલ પર 2 દૂધી ઉગી નીકળી. સૂત્રોનું માનીએ તો આ તરફ ડી.આઈ.જી.ના ઘર પાસેની વેલ પર 6 દૂધી થઈ. 

પાડોશમાં રહેતા અધિકારીએ પોતાની બાજુ ઉગેલી 2 દૂધી તોડી લીધી. આ બાબત ડી.આઈ.જી.ને પસંદ ન આવી. તેમણે પોતાના ઘરમાં નોકરી કરતા સ્ટાફને બોલાવ્યો અને બરાબર તતડાવ્યો અને સસ્પેન્ડ કરવા સુધીની ચેતવણી આપી દીધી. ગભરાયેલા સ્ટાફે પાડોશી (રેલવે અધિકારી)ના ઘરે જઈ અને વિનંતી કરી અને રેલવે અધિકારીએ તોડેલી દૂધી પરત લાવી અને ડી.આઈ.જી.ના ઘરમાં મૂકી દીધી.

હવે પરીસ્થિતિ એવી થઈ છે કે, સાહેબના ઘર પાસેની વેલ પર 6 દૂધી વધી છે અને ઘરમાં નોકરી કરતો સ્ટાફ કામ પૂર્ણ કર્યા બાદ દૂધીની ગણતરી કરી અને બીજા સ્ટાફને મૌખિક રીતે દૂધીના આંકડાન વિગતો આપીને જ રજા લે છે.

ઝોકુ આવ્યુ તો પણ સસ્પેન્ડ કરવાની ચેતવણી

ડી.આઈ.જી.ના ઘરે ફરજ બજાવતો તમામ સ્ટાફ હાલમાં ખૂબ મુશ્કેલીમાં છે. સૂત્રના જણાવ્યા મુજબ થોડા દિવસ પહેલા જ સ્ટાફમાંથી એક કર્મચારીની ફરજ દરમિયાન ઝોકુ આવી ગયુ હતુ અને સાહેબના સબંધિઓ જોઈ ગયા હતા. પછી તો શું હોય, સાહેબે આ કર્મચારીને બોલાવી અને બરાબર ખખડાવ્યો. આ દૂધીના વિવાદમાં RPFના ડી.આઈ.જી.નું સત્તાવાર નિવેદન લેવા માટે લલ્લુરામની ટીમ દ્વારા તેમનો સંપર્ક કરવાનો પ્રયાસ કરાયો હતો, પરંતુ તેમણે ફોન રીસીવ કર્યો નહોતો.

તમે પણ RPF અધિકારીઓની આવી કનડગતનો ભોગ બની રહ્યા છો તો તમારી રજૂઆત લલ્લુરામ ડોટ કોમ સુધી 93291-11133 પર ફોન કરી અથવા વોટ્સએપ મારફતે મોકલી શકો છો. અમે તમને ખાતરી આપીએ છીએ કે, આપનું નામ ગુપ્ત રાખવામાં આવશે.

આ પણ વાંચો..

• શું Asim Munir તાલિબાન સાથે સંપૂર્ણ રીતે લડવાના મૂડમાં છે? તેમના નિવેદનથી ખળભળાટ મચી ગયો
• Bangladesh માં એક હિન્દુ યુવકને જીવતો સળગાવી દેવાના મામલે ધીરેન્દ્ર શાસ્ત્રીનું નિવેદન, “અમારી એકમાત્ર ઇચ્છા એ છે કે…”
• Maharashtra માં ભાજપની જંગી જીત પર પીએમ મોદીનું પહેલું નિવેદન, કહ્યું, “અમે રાજ્યભરના દરેક નાગરિક માટે પ્રતિબદ્ધ છીએ…”
• બ્રાઝિલના રાષ્ટ્રપતિએ Venezuela પર હુમલો કરવાની યોજના બનાવી રહેલા અમેરિકાને કડક ચેતવણી આપી, લુલાએ કહ્યું કે “મોટી આપત્તિ” આવશે
• આદિત્ય ધર ‘Dhurandhar’ ફિલ્મના આઈટમ સોંગમાં તમન્ના ભાટિયાને કેમ ન ઇચ્છતા હતા? કોરિયોગ્રાફરે કારણ જણાવ્યું