ડેપ્યુટી કલેક્ટર બહેન અને માતા સાથે મૃત હાલતમાં મળ્યા IRS અધિકારી,Kerala પોલીસને આત્મહત્યાની શંકા

Keralaમાંથી મોટા સમાચાર સામે આવી રહ્યા છે. IRS અધિકારી મનીષ વિજય અગ્રવાલ અને તેની માતા અને બહેનના મૃતદેહ કોચી નજીક કક્કનાડ ખાતે સેન્ટ્રલ એક્સાઇઝ સ્ટાફ ક્વાર્ટર્સમાં મળી આવ્યા છે. મનીષ વિજય અગ્રવાલની બહેન શાલિની વિજય જેપીએસસી-1માં ટોપર રહી છે. મનીષ કાકનાડના કસ્ટમ વિભાગમાં એડિશનલ કમિશનર તરીકે તૈનાત હતા. શાલિની ઝારખંડમાં ડેપ્યુટી કલેક્ટર તરીકે તૈનાત હતી. તે બે વર્ષ પહેલા રજા પર ગયી હતી અને ત્યારબાદ ફરજ પર પછી ફરી ન હતી. પાડોશીઓના કહેવા મુજબ પરિવાર ધાર્મિક સ્વભાવનો હતો. મનીષ મૂળ ઝારખંડનો હતો. આ પરિવાર રાંચીના રેડિયમ રોડ પર એક એપાર્ટમેન્ટમાં 5 વર્ષથી ભાડેથી રહેતો હતો. મનીષની માતા બોકારોમાં પ્રોફેસર તરીકે કામ કરતી હતી.

મનીષના દાદા પણ કેરળમાં પરિવારને મળવા આવતા હતા. શાલિનીએ ઘણા વર્ષો સુધી રાંચીમાં મેજિસ્ટ્રેટ તરીકે ફરજ બજાવી હતી. બાદમાં તેણે દક્ષિણ ભારતના એક પ્રોફેસર સાથે લગ્ન કર્યા. શાલિનીની માતા શકુંતલાએ પણ દીકરીના લગ્ન પછી મુંડન કરાવ્યું હતું. કેરળ પોલીસના જણાવ્યા અનુસાર મનીષ અને તેની બહેન શાલિનીના મૃતદેહ લટકેલા મળી આવ્યા હતા. જ્યારે માતાની લાશ બેડ પર મળી આવી હતી. માતાના મૃતદેહની બંને બાજુ ફૂલો પડેલા જોવા મળ્યા હતા.

પોલીસ કેસની તપાસમાં લાગી

પોલીસને આશંકા છે કે પરિવારે આપઘાત કર્યો છે. મનીષ 2011 બેચના IRS ઓફિસર હતા. બહેન શાલિની ઘણા મહિનાઓથી તેમના પરિવાર સાથે રહેતી હતી. રિપોર્ટ અનુસાર રાંચીમાં રહેતા તેના પડોશીઓએ જણાવ્યું કે શાલિનીના પતિ કેરળમાં પોસ્ટેડ છે. શાલિનીની બહેને રાજસ્થાનની રાજધાની જયપુરમાં રહેતા એક વ્યક્તિ સાથે લગ્ન કર્યા હતા જે હાલ વિદેશમાં છે. પોલીસ આ કેસની તપાસ કરી રહી છે.