Jamnagar: જામનગર શહેરના પંચેશ્વર ટાવર વિસ્તારમાં આવેલા ઇન્દ્રપ્રસ્થ કોમ્પ્લેક્સમાં લિફ્ટ રિપેરિંગ દરમિયાન ગઈકાલે મોડી રાત્રે એક ભયાનક અકસ્માત સર્જાયો હતો, જેમાં 21 વર્ષીય નવાઝ સોરઠિયાનું કરુણ મોત નીપજ્યું હતું. આ યુવાન પરિવારનો એકમાત્ર કરુણ હતો. તેના અચાનક અને દુ:ખદ મૃત્યુથી સોરઠિયા પરિવાર શોકમાં ડૂબી ગયો છે.
લિફ્ટમાંથી પડી જવાથી યુવાન ગંભીર રીતે ઘાયલ થયો હતો.
અહેવાલો અનુસાર, નવાઝ સોરઠિયા અન્ય ટેકનિશિયનો સાથે ઇન્દ્રપ્રસ્થ કોમ્પ્લેક્સમાં લિફ્ટ રિપેર કરી રહ્યો હતો. લિફ્ટનો બોલ્ટ અચાનક ઢીલો પડી ગયો હતો, જેના કારણે લિફ્ટ ક્રેશ થઈ ગઈ હતી. નવાઝ સોરઠિયા પણ લિફ્ટ સાથે પડી ગયા હતા, જેના કારણે તેમને માથા અને છાતીમાં ગંભીર ઈજાઓ થઈ હતી. જે બાદ તેમને નતાત્કાલિક એમ્બ્યુલન્સ દ્વારા જીજી હોસ્પિટલમાં લઈ જવામાં આવ્યો હતો, પરંતુ ફરજ પરના ડોકટરોએ તેને મૃત જાહેર કર્યો હતો.
પોલીસ કાર્યવાહી અને તપાસ
સમગ્ર ઘટનાની જાણ થતાં, સિટી બી ડિવિઝન પોલીસ સ્ટાફ હોસ્પિટલ પહોંચ્યો હતો. પોલીસે આકસ્મિક મૃત્યુનો ગુનો નોંધી વધુ તપાસ હાથ ધરી છે. પોલીસે લિફ્ટનું સમારકામ અને જાળવણી કરનારી કંપની સામે બેદરકારી બદલ કાર્યવાહી કરવાની તૈયારી પણ શરૂ કરી દીધી છે, જેથી ભૂલ કોની છે, કોના બેદરકારીથી આ ઘટના બની છે તે અંગે માહિતી મેળવી શકાય.