રમઝાન મહિનાને લઈને એક કથિત આદેશને લઈને Gujaratના વડોદરામાં હોબાળો મચી ગયો છે. વિશ્વ હિન્દુ પરિષદનું કહેવું છે કે વડોદરા પ્રાથમિક શિક્ષણ સમિતિએ મુસ્લિમ બાળકો માટે રમઝાનમાં અલગ સમય જાહેર કર્યો છે. VHP કાર્યકર્તાઓએ પ્રદર્શન કર્યું અને આ આદેશ પાછો ખેંચવાની માંગ કરી. તેમણે કહ્યું કે જો આદેશ પાછો ખેંચવામાં નહીં આવે તો શ્રાવણ અને નવરાત્રિ દરમિયાન હિન્દુ વિદ્યાર્થીઓને પણ આવી જ રાહત આપવી જોઈએ.
ગુજરાત VHPના પ્રવક્તા હિતેન્દ્ર રાજપૂતે ફેસબુક પર લખ્યું છે કે, ‘મુખ્યમંત્રી ભૂપેન્દ્રભાઈની સરકાર યુસીસી (યુનિફોર્મ સિવિલ કોડ) લાગુ કરવાની તૈયારી કરી રહી છે તો બીજી તરફ વડોદરા શિક્ષણ સમિતિએ શિક્ષણ વિભાગમાં ધર્મ આધારિત તુષ્ટિકરણ વધારવાનો પરિપત્ર બહાર પાડ્યો છે. સરકારે એ ન ભૂલવું જોઈએ કે તુષ્ટિકરણનો વિરોધ કરવો એ તેની તાકાતનું કેન્દ્ર છે.
VHPએ તેના સત્તાવાર X હેન્ડલ પર લખ્યું, ‘કૃપા કરીને આ પરિપત્રની સત્યતા તપાસો અને તેને તાત્કાલિક રદ કરો. જવાબદાર લોકો સામે કાર્યવાહી જરૂરી છે. યાદ રાખો તુષ્ટિકરણના વિરોધને કારણે જ ભાજપને મજબૂત જનસમર્થન મળ્યું છે. આ ગુજરાત છે પાકિસ્તાન કે બાંગ્લાદેશ નથી.
શહેરની પ્રાથમિક શિક્ષણ સમિતિ દ્વારા બહાર પાડવામાં આવેલા નોટિફિકેશનમાં કહેવામાં આવ્યું છે કે ‘રમજાન મહિનો શરૂ થઈ રહ્યો છે. મુસ્લિમ સમુદાયના બાળકોની સંખ્યા વધુ હોય તેવી શાળાઓ માટે સમય બદલવામાં આવી રહ્યો છે. 1 માર્ચ, 2025 થી રમઝાન દરમિયાન તેનો અમલ કરવામાં આવશે.
શાળા સમય – સવારે 8 થી બપોરે 12
લંચ બ્રેક- 9:30 AM થી 10 AM
શાળા સમય- 12:30 થી 4:30 PM