Vadodara શહેરની મધ્યમાંથી પસાર થતી વિશ્વામિત્રી નદી પટમાં નાખવામાં આવેલી વર્ષો જૂની ફાજલપુરથી આવતી પાણીની મુખ્ય લાઈનમાં છેલ્લા કેટલાક દિવસોથી ભંગાણ પડયું હતું, તેનું સમારકામ આજે કોર્પોરેશન દ્વારા હાથ ધરવામાં આવ્યું હતું. આ ભંગાણને કારણે અત્યાર સુધીમાં લાખો લીટર પાણી નદીમાં વહી ગયું છે.
Vadodara: ભંગાણથી લાખો લીટર પાણી વેડફાયા બાદ કોર્પો.ના તંત્રે રિપેરિંગ શરૂ કર્યું
Vadodara: શહેરની પ્રજાને વાસદ મહીસાગર | નદીથી પીવાનું પાણી પૂરું પાડવામાં આવી રહ્યું છે. ફાજલપુર ફ્રેન્ચવેલથી વડોદરા આવતી પાણીની મુખ્ય લાઈન કેટલીક | જગ્યાએ વિશ્વામિત્રી નદીમાંથી પણ પસાર કરવામાં આવી છે.
પાણીની મુખ્ય લાઈનમાં છેલ્લા કેટલાક દિવસથી ભંગામ પડયું હતું, પરંતુ દિવાળીના તહેવારોને લીધે કામગીરી થઈ શકતી ન હતી. બીજીબાજુ કોર્પોરેશનના સત્તાવાળાઓને ભંગાણની ગંભીરતા ધ્યાન પર આવતા આજે તાત્કાલિક અસરથી કામગીરી શરૂ કરી હતી, અને સમારકામ વહેલી તકે પૂરું થાય તે માટેના પ્રયત્નો હાથ ધર્યા હતા. પાણીની લાઈન પરનું ભંગાણ સમારકામ મોડી સાંજ સુધી ચાલશે તેમ જાણવા મળ્યું હતું