Vadodara: વાઘોડિયા રોડ પર ફૂલ લેવા માટે નીકળેલી મહિલાના ગળામાંથી સોનાનો અછોડો તોડીને બાઇક સવાર ભાગી ગયો હતો. જે અંગે પોલીસે ગુનો દાખલ કરી વધુ તપાસ હાથ ધરી છે.
Vadodara: કૉળા કલરના કપડા પહેરીને આવેલા આરોપીની સીસીટીવીના ફૂટેજના આધારે શોધખોળ
Vadodara: વાઘોડિયા રોડ સવિતા હોસ્પિટલની સામે શુભ લક્ષ્મી સોસાયટીમાં રહેતા પૂનમબેન નાગેન્દ્રભાઈ ચૌબે ગઈકાલે સવારે સાત વાગ્યે ઘરેથી ચાલતા ફૂલ | ખરીદવા માટે નીકળ્યા હતા. પરિવાર ચાર રસ્તા પાસે ક્રિષ્ણા રેસ્ટોરન્ટ નજીક ફૂટપાથ પર એક મહિલા ફૂલનો પથારો કરીને બેઠા હતા. પૂનમબેન ફૂલ ખરીદતા હતા. તે સમયે સવિતા હોસ્પિટલ તરફથી એક બાઈક ચાલક એકદમ ધસી આવ્યો હતો.
પૂનમબેનના ગળામાંથી સોનાનો અછોડો તોડી બાઈક સવાર આરોપી સોમા તળાવ તરફ ભાગી ગયો હતો. મહિલાએ બૂમાબૂમ કરતા ત્યાં હાજર કેટલાક લોકોએ બાઇક ચાલકનો પીછો કર્યો હતો. પરંતુ, આરોપી ભાગી જવામાં સફળ રહ્યો હતો. આરોપીની ઉંમર ૨૦ થી ૨૫ વર્ષની હતી. તેણે કાળા કલરનું પેન્ટ, શર્ટ અને ટોપી પહેર્યા હતા. એક તોલા વજનનો અછોડો તોડીને ફરાર થઈ જનાર બાઈક ચાલકની સીસીટીવીના ફૂટેજના આધારે પોલીસે શોધખોળ હાથ ધરી છે.