Gujaratમાં છઠ્ઠા ધોરણના વિદ્યાર્થીએ શાળાની ઇમારત પરથી માર્યો કૂદકો; પરિવારે શિક્ષકોને આપ્યો દોષ

Gujarat News: ગુજરાતના મહેસાણા જિલ્લાના કડી શહેરમાં ધોરણ 6 માં અભ્યાસ કરતા 12 વર્ષના વિદ્યાર્થીએ તેની શાળાના બીજા માળેથી કૂદીને આત્મહત્યા કરવાનો પ્રયાસ કર્યો, જેમાં તે ગંભીર રીતે ઘાયલ થયો. બાળકના પરિવારે આ ઘટના માટે શાળાના શિક્ષકોને દોષી ઠેરવ્યા છે. તેમનું કહેવું છે કે શિક્ષકો તેને સતત ત્રાસ આપતા હતા, જેના કારણે તેણે આ આત્યંતિક પગલું ભર્યું. શાળાના એક અધિકારીએ જણાવ્યું કે સોમવારે સવારે 11 વાગ્યાની આસપાસ હોલી ફેમિલી સ્કૂલમાં આ ઘટના બની હતી.

શાળાના આચાર્ય શૈલજા નાયરે જણાવ્યું હતું કે “અમને બીજા માળેથી કૂદકો મારનાર વિદ્યાર્થીના સમાચાર મળતાં જ અમે તેને તાત્કાલિક હોસ્પિટલમાં લઈ ગયા જ્યાં તેને પ્રાથમિક સારવાર આપવામાં આવી. છોકરાના જમણા પગમાં ફ્રેક્ચર થયું છે. તેના પરિવારનો આરોપ છે કે જ્યારે તે તેનું હોમવર્ક જમા કરાવવામાં નિષ્ફળ ગયો ત્યારે તેના વર્ગ શિક્ષકે તેને થપ્પડ મારી હતી.”

છોકરાના પિતા જિગ્નેશ રામીએ જણાવ્યું હતું કે “જ્યારે મારા બાળકે કહ્યું કે તે ઘરેથી તેનું હોમવર્ક લાવવાનું ભૂલી ગયો છે, ત્યારે શિક્ષકે તેને ચાર થપ્પડ મારી અને તેને વર્ગની બહાર રહેવા દબાણ કર્યું.” તેણે આરોપ લગાવ્યો કે તેને ચોથા લેક્ચર સુધી વર્ગમાં બેસવા દેવામાં આવતો ન હતો, અને જ્યારે તેણે ફરિયાદ કરી કે બહાર ઠંડી છે, ત્યારે પણ તેને ધક્કો મારીને બહાર કાઢવામાં આવ્યો હતો.

રામીએ શાળા તરફથી કડક કાર્યવાહીની માંગ કરતા કહ્યું કે, “મારા દીકરાએ તેના શિક્ષકો દ્વારા સતત ત્રાસ આપવાને કારણે શાળાની ઇમારત પરથી કૂદી પડ્યો હતો.” છોકરાના પરિવારે પોલીસમાં લેખિત ફરિયાદ નોંધાવી છે, પરંતુ અત્યાર સુધી કોઈ FIR નોંધવામાં આવી નથી.

શાળાના અધિકારીઓએ દાવો કર્યો છે કે તેમણે વિદ્યાર્થીને સજા આપનાર શિક્ષકને સસ્પેન્ડ કરી દીધો છે. આ જ શિક્ષકે તેને વર્ગની બહાર બેસાડ્યો હતો અને તેનું હોમવર્ક પૂર્ણ કરવા માટે દબાણ કર્યું હતું.