Gujaratના આ સ્ટેશનથી દિલ્હી માટે નવી ક્રિસમસ સ્પેશિયલ ટ્રેનની જાહેરાત, આ સ્થળોએ સ્ટોપ સાથે દોડશે

Gujarat Christmas Special Train: ક્રિસ્મસ અને નવા વર્ષ નિમિત્તે મુસાફરોના ધસારાને નિયંત્રિત કરવા માટે રેલવેએ ખાસ ટ્રેનો ચલાવવાનો નિર્ણય લીધો છે. પશ્ચિમ રેલવેએ ગુજરાતથી દિલ્હી જનારાઓને સારા સમાચાર આપ્યા છે. રેલવેએ સાબરમતી અને શકુર બસ્તી (દિલ્હી) વચ્ચે ક્રિસમસ સ્પેશિયલ ટ્રેન (ટ્રેન નંબર 09497/09498) ચલાવવાની જાહેરાત કરી છે. આ ટ્રેન 22 થી 25 ડિસેમ્બર દરમિયાન બંને સ્ટેશનો વચ્ચે ચાર ટ્રીપ કરશે, જે ચાર રાજ્યો: ગુજરાત, રાજસ્થાન, હરિયાણા અને દિલ્હીમાં બંને દિશામાં 10 સ્ટેશનો પર રોકાશે.

સાબરમતીથી શકુર બસ્તી જતી ટ્રેન સોમવાર અને બુધવારે રાત્રે 9:55 વાગ્યે ઉપડશે અને બીજા દિવસે બપોરે 15:15 વાગ્યે શકુર બસ્તી પહોંચશે. શકુર બસ્તીથી સાબરમતી જતી ટ્રેન મંગળવાર અને ગુરુવારે રાત્રે 9:00 વાગ્યે ઉપડશે અને બીજા દિવસે 12:20 વાગ્યે સાબરમતી પહોંચશે.

વિભાગીય રેલ્વેના પ્રવક્તાએ ગુરુવારે જણાવ્યું હતું કે પશ્ચિમ રેલ્વેએ વર્ષના અંતમાં વધેલી મુસાફરોની માંગને પહોંચી વળવા માટે સાબરમતી અને શકુર બસ્તી (દિલ્હી) વચ્ચે ખાસ ભાડા પર એક ખાસ ટ્રેન ચલાવવાનો નિર્ણય લીધો છે. આ ટ્રેનના બધા કોચ એસી 3-ટાયર (હમસફર) વર્ગના હશે. ટ્રેન નંબર 09497 માટે બુકિંગ 19 ડિસેમ્બરથી તમામ PRS કાઉન્ટર અને IRCTC વેબસાઇટ પર શરૂ થશે. આ ટ્રેનની વિગતો નીચે મુજબ છે…

< ટ્રેન નં. ૦૯૪૯૭ (બે ટ્રીપ)

સાબરમતી-શકુર બસ્તી (દિલ્હી) સ્પેશિયલ ટ્રેન

ક્યારે દોડશે – ૨૨ અને ૨૪ ડિસેમ્બર

પ્રસ્થાન – સાબરમતીથી ૨૨:૫૫ વાગ્યે ઉપડશે

આગમન – બીજા દિવસે ૧૫:૧૫ વાગ્યે શકુર બસ્તી પહોંચશે

< ટ્રેન નં. ૦૯૪૯૮ (બે ટ્રીપ)

શકુર બસ્તી (દિલ્હી) – સાબરમતી સ્પેશિયલ

ક્યારે દોડશે – ૨૩ અને ૨૫ ડિસેમ્બર

પ્રસ્થાન – શકુર બસ્તીથી ૨૧:૦૦ વાગ્યે ઉપડશે

આગમન – બીજા દિવસે ૧૨:૨૦ વાગ્યે સાબરમતી પહોંચશે

સ્ટોપેજ: રૂટમાં, ટ્રેન મહેસાણા, પાલનપુર, આબુ રોડ, મારવાડ જંકશન, અજમેર, જયપુર, અલવર, રેવાડી, ગુડગાંવ અને દિલ્હી કેન્ટ પર રોકાશે.