42 વર્ષથી ભાજપમાં કાર્યરત અને જિલ્લા પંચાયતના પૂર્વ સદસ્ય હરજીભાઈ પટેલ 2000થી વધારે સમર્થકો સાથે AAPમાં જોડાયા

AAP: ગતરોજ તારીખ 28 નવેમ્બરના રોજ સાણંદ ખાતે આમ આદમી પાર્ટીની ગુજરાત જોડે જનસભાનું આયોજન થયું હતું. આ કાર્યક્રમમાં આમ આદમી પાર્ટીના પ્રદેશ પ્રમુખ ઈસુદાન ગઢવી, પ્રદેશ યુવા પ્રમુખ બ્રીજરાજ સોલંકી, મધ્ય ઝોન કાર્યકારી પ્રમુખ ડો. જ્વેલ વસરા, પ્રદેશ મુખ્ય પ્રવક્તા ડો. કરન બારોટ, પ્રદેશ ઉપપ્રમુખ ગૌરી દેસાઈ ,ગુજરાત પ્રદેશ જોઈન્ટ સેક્રેટરી કુલદીપસિંહ વાઘેલા, પ્રદેશ પ્રવક્તા હિમાંશુ ઠક્કર સહીત મોટી સંખ્યામાં પદાધિકારીઓ અને કાર્યકર્તાઓ ઉપસ્થિત રહ્યા હતા અને સાથે સાથે મોટી સંખ્યામાં સ્થાનિક જનતાએ પણ પોતાની હાજરી આપી હતી. આ કાર્યક્રમને જોઈને ભાજપ અને કોંગ્રેસના પેટમાં તેલ રડાયું હતું કારણ કે આ ગુજરાત સભામાં પ્રદેશ પ્રમુખ ઈસુદાન ગઢવીની આગેવાનીમાં ભાજપના જિલ્લા પંચાયતના પૂર્વ સદસ્ય હરજીભાઈ પટેલ (અમથાપુર) સહિત ખૂબ જ મોટી સંખ્યામાં ભાજપ અને કોંગ્રેસના દિગ્ગજ નેતાઓ, હોદ્દેદારો, સમર્થકો અને સામાજિક આગેવાનો એમ કુલ મળીને 2000થી પણ વધુ લોકો આમ આદમી પાર્ટીમાં જોડાયા હતા. સાણંદ નગરપાલિકા અને સાણંદ વિધાનસભા માટે આ ગુજરાત જોડો જનસભા એક ટર્નિંગ પોઈન્ટ સાબિત થશે એવા એંધાણ દેખાઈ રહ્યા છે.

વિગતવાર વાત કરીએ તો, ભાજપના જિલ્લા પંચાયતના પૂર્વ સદસ્ય હરજીભાઈ પટેલ (અમથાપુર) આમ આદમી પાર્ટીમાં જોડાયા હતા. સાણંદ તાલુકામાં કોંગ્રેસના દિગ્ગજ નેતાને હરાવીને ભાજપને સાણંદ તાલુકામાં ઉભી કરનાર આગેવાન તરીકે તેઓ જાણીતા છે. હરજીભાઈ 42 વર્ષથી ભાજપમાં કાર્યરત રહ્યા છે અને જિલ્લા પંચાયતના ચેરમેન, શિક્ષણ સમિતિના અને કારોબારી ચેરમેન પણ તેઓ રહી ચૂક્યા છે. સાથે સાથે ધોળકા વિધાનસભાના પૂર્વ પ્રભારી પણ તેઓ રહી ચૂક્યા છે અને તાલુકામાં ભાજપના તમામ પ્રોગ્રામનું આયોજન પણ તેઓ જ કરતા હતા. હરજીભાઈ પટેલની સાથે સાથે કોંગ્રેસના જિલ્લા પંચાયતના પૂર્વ સદસ્ય ગોવિંદભાઈ મેરાભાઈ, સાણંદ તાલુકા પંચાયતના સદસ્ય ગૌતમભાઈ કાંશીરામભાઈ, ભાજપના પૂર્વ તાલુકા પંચાયતના સદસ્ય ચમનભાઈ મેર, ભાજપના બક્ષીપંચ મોરચાના પૂર્વ પ્રમુખ અરજણભાઈ નાગરભાઈ, ભાજપના પૂર્વ મંત્રી બાબુભાઈ સોમાભાઈ, કોંગ્રેસના પૂર્વ તાલુકા પંચાયત સદસ્ય દયારામ ભાઈ વાલજીભાઈ, ભાજપના પૂર્વ યુવા મહામંત્રી અર્જુનભાઈ કમાભાઈ, સોની સમાજના આગેવાન ઉમેશભાઈ સોની સહિત મોટી સંખ્યામાં સરપંચો, ઉપસરપંચો, પૂર્વ સરપંચો, ગ્રામ પંચાયતના સભ્યો સામાજિક આગેવાનો સહિત 2000થી વધુ સમર્થકો આમ આદમી પાર્ટીમાં જોડાયા હતા. આ તમામ આગેવાનોને આમ આદમી પાર્ટીના પ્રદેશ પ્રમુખ ઈસુદાન ગઢવીએ ખેસ પહેરાવીને વિધિવત રીતે આમ આદમી પાર્ટીમાં જોડ્યા હતા.

આ જનસભામાં AAP નેતા ઈસુદાન ગઢવીએ જનતા સમક્ષ પોતાની વાત રજૂ કરતા કહ્યું હતું કે, નવી પરિવર્તનની લહેરની શરૂઆત સાણંદમાંથી થઈ ચૂકી છે. ભાજપ હંમેશા ખેડૂતને ભાવ નથી આપતી પોલીસ દ્વારા લાઠીચાર્જ કરાવે છે. ભાજપવાળા ગાયોના કતલ ખાના ચલાવે છે ગૌ માસ વેચીને કમલમ બનાવે છે. જેનાથી ભાજપના લોકો પણ ભાજપથી ત્રસ્ત છે. આજે ભાજપ છોડીને આમ આદમી પાર્ટીમાં આવ્યા છે તેમને હું અભિનંદન આપું છું દસ દિવસ પહેલા હરજીભાઈ પટેલ મને મળવા માટે આવેલા તેમના મને કહ્યું હતું કે, ઈસુદાનભાઈ ભાજપ અમારા ખેડૂતોને, મજૂરોને, શ્રમિકોને, ભાગિયાઓને ગરીબ રાખવા માંગે છે, એ મારાથી જોવાતું નથી. ભાજપ વાળાને જ્યારથી ખબર પડી કે હરજીભાઈ પટેલ આમ આદમી પાર્ટીમાં જોડાઈ રહ્યા છે ત્યારથી તેમને સમજાવવાની, ફોસલાવવાની, ડરાવવાની, ભડકાવવાની કોશિશ કરી.આજે ભાજપ વાળા ચાર્ટર્ડ માં રખડે છે કારણ કે તેઓ બધી જ મલાઈ ખાઈ જાય છે. કરસનદાસ માણેક ની રચના ભાજપ ઉપર બંધ બેસે છે “ મને એ જ નથી સમજાતું કે શાને આવું થાય છે, ફૂલડા ડૂબી જતા અને પથરા તરી જાય છે,કામધેનુને મળે ના એક સૂકું તણખલું,ને લીલાંછમ ખેતરો સૌ આખલા ચરી જાય છે”.

આજે હરજીભાઈ પટેલ સાથે ઘણા લોકો આમ આદમી પાર્ટીમાં જોડાયા છે. તાલુકા પંચાયત, જિલ્લા પંચાયતના સભ્યો ભાજપ કોંગ્રેસના આગેવાનો આમ આદમી પાર્ટીમાં જોડાયા છે. આજે ખેડૂતો ઉપર અત્યાચાર થાય, ખેડૂતો ઉપર લાઠી ચાર્જ થાય આપણા સમાજના આગેવાનો, મંત્રીઓ, કોઈ ખેડૂતો માટે બોલ્યા છે? આપણા જ્ઞાતિ,જાતિ, ધર્મના ભાજપના નેતાઓ માત્ર માયકાંગલાઓ છે મરદના ફાડિયાઓ ભાજપને લાત મારીને આવી જાય છે. તાલુકા પંચાયત, જિલ્લા પંચાયત, 2027 ની ચૂંટણીમાં જો આપણે ફરીથી ભાજપનું બટન દબાવીશું અને ફરીથી ભાજપ આવશે તો આજે આપણા દીકરાઓ પરણેલા છે પરંતુ ફરીથી ભાજપના સત્તામાં આવ્યા બાદ આપણી પાસે સંપતિમાં માત્ર વાંઢા દીકરાઓ જ બચશે આ મારા શબ્દો લખીને રાખજો. એક દીકરા દીકરીની સગાઈ થઈ જ્યારે દીકરીના પરિવારને ખબર પડી કે દીકરાવાળા ભાજપની સાથે જોડાયેલા છે ત્યારે તેમને સગાઈ તોડી નાખી. દીકરીની માતાએ કહ્યું કે ભાજપના લોકો કડદા કરીને અમારા ખેડૂતોના, મજૂરોના, શ્રમિકોના પગાર થાય છે. મારી દીકરી તમારા ઘરે આવે અને એનું સંતાન કડદાવાળું થાય એ મને મંજૂર નથી. એટલા માટે મારે મારી દીકરીને પરણાવવી નથી.

સારા નેતાઓ હજી પણ ભાજપમાં છો હું તેમને કહેવા માગું છું કે પાપનું પ્રાયશ્ચિત કરવાનો સમય આવી ગયો છે. જો પાપનું પ્રાયશ્ચિત કરવું હોય તો જે રીતે ભાજપને લાવ્યા હતા તેવી જ રીતે ભાજપને ભગાડવી પડે અને ભાજપને ભગાડી શકે તેવી તમારી પાસે માત્ર એક જ પાર્ટી છે તે છે આમ આદમી પાર્ટી. આજે મને ખૂબ દુઃખ થાય છે. ખેડૂતો સાથે કડદા કરે, ખેડૂતો ઉપર લાઠી વર્ષાવે, ખેડૂતોને પૂરતા ભાવ ન મળે, માતા,બહેન, દીકરીઓને સરઘસ કાઢે, ઠેર ઠેર દારૂ અને ડ્રગ્સ વહેંચે છે છતાં પણ ભાજપને મત મળે એનું મને દુઃખ થાય છે. ભાજપ વાળા મને કહેતા હતા કે ઈસુદાનભાઈ તમે ગમે તેટલી બૂમો પાડો પરંતુ ચૂંટણી આવશે એટલે તમામ સમાજના લોકો અમને મત આપશે. ખેડૂતોને ભાવ નહીં આપીએ, ખેડૂતો ઉપર લાઠીઓ વસાવી શું તો પણ અમને જ મત આપશે. ગેસ સિલિન્ડરનો ભાવ 400 હતો જે હવે 1100 થઈ ગયો છે તો પણ બહેનો અમને જ મત આપશે. ખેતી રહેવા નથી દીધી, પેપરો ફોડી નાખ્યા, નોકરીમાં ભરતી નથી કરતા છતાં પણ યુવાનો ભાજપને જ મત આપશે. મેં કારણ પુછ્યું ત્યારે મને કહ્યું કે અમે ઠેર ઠેર જગ્યાએ મોટા મોટા રૂપિયા વાળા લોકોને ડરાવી, ધમકાવી, રૂપિયા આપી, બે-ચાર બ્રીજના કામ આપી ભાજપમાં લઈ લીધા છે હવે એ આખે આખા સમાજનો સોદા કરે છે. હવે આપણે આપણા સંતાનોનો વિકાસ કરવો છે કે નહીં?

હું ભાજપવાળાને કહેવા માગું છું જો તમે ખેડૂતોને ભાવ આપી દો, યુવાઓને સારી નોકરીઓ આપી દો, તો અમારા જેવા વ્યક્તિઓએ પાર્ટીમાં આવું જ પડ્યું હોત તો નહીં. તમારાથી થતું નથી એટલા માટે જ અમે રાજનીતિમાં આવ્યા છીએ. જો 2027માં મૂળિયાં સાથે તમને ઉખાડીને ફેંકી ન દઈએ તો યાદ રાખજો કે ઈસુદાન ગઢવી રાજનીતિમાં આવ્યા હતા નહીં. મારા સમાજના આગેવાનોને તમે ડરાવશો, લલચાવી, ફોસલાવીને બેસાડી દેશો તો હવે તેઓ બેસશે નહીં, આજે 5000 લોકો આવ્યા છે કાલે તમે પણ ઘરે જશો તો પાડોશી પણ કહેશે કે તમે પણ ભાજપીય કડદા પાર્ટીમાંથી નીકળીને આમ આદમી પાર્ટીમાં જોડાયા છો તો અમને પણ ખેસ પહેરાવી દો અમારે પણ પુણ્યનું કામ કરવું છે. મારે કશું જ નથી જોઈતું પરંતુ માતા બહેનો દીકરો અને પૂરતી શ્રમિક મજૂરી નથી મળતી, એમના દીકરાને સારું શિક્ષણ ન મળે, સારવાર માટે સારી હોસ્પિટલ ન મળે, સારો રોડ રસ્તા મળતા નથી તમારી એ પીડા મારાથી જોવાતી નથી.