Gujarat Weather: ગુજરાતમાં ગાઢ ધુમ્મસ, ઠંડીને લઈ એલર્ટ, ગાંધીનગર સહિત આ શહેરોમાં પારો ગગડ્યો

Gujarat: ગુજરાતમાં શિયાળાનું આગમન થઈ ગયું છે. જેમ જેમ દિવસો પસાર થઈ રહ્યા છે તેમ તેમ રાજ્યમાં ઠંડીનું પ્રમાણ પણ વધી રહ્યું છે. ગાંધીનગર સહિત ગુજરાતમાં અનેક સ્થળોએ તાપમાન 13 ડિગ્રીની આસપાસ નોંધાયું છે. છેલ્લા કેટલાક દિવસોથી ગુજરાતના તાપમાનમાં સતત ઘટાડો થઈ રહ્યો છે. હવામાન વિભાગનું અનુમાન છે કે આજથી તાપમાનમાં વધુ ઘટાડો થશે. રાજ્યમાં તાપમાનમાં 2 થી 3 ડિગ્રીનો ઘટાડો થઈ શકે છે.

ગુજરાતમાં પણ હિમવર્ષાની અસર થશે
ઉત્તર ભારતમાં હિમવર્ષાની અસર ગુજરાત પર પણ પડે તેવી શક્યતા હવામાન વિભાગે વ્યક્ત કરી છે. ઉત્તર ભારતમાં હિમવર્ષા બાદ હવે ગુજરાત જેવા મેદાની વિસ્તારોમાં ઠંડા પવનો આવશે. જેના કારણે આગામી દિવસોમાં રાજ્યમાં કડકડતી ઠંડી પડશે. આ સાથે આગામી દિવસોમાં રાજ્યમાં કડકડતી ઠંડી પડવાની સંભાવના છે. મંગળવારે ગાંધીનગર 16.0 ડિગ્રી સાથે રાજ્યનું સૌથી ઠંડું શહેર બન્યું હતું.

હવામાન વિભાગના જણાવ્યા અનુસાર રાજ્યના નલિયામાં લઘુત્તમ તાપમાન 13.4 ડિગ્રી, ગાંધીનગરમાં 16.0 ડિગ્રી, વડોદરામાં 15.2 ડિગ્રી અને ડીસામાં 15.4 ડિગ્રી, અમદાવાદમાં લઘુત્તમ તાપમાન 17.8 ડિગ્રી, ભુજમાં 16 ડિગ્રી અને ભૂજમાં 16 ડિગ્રી નોંધાયું હતું. દમણ 20.4 ડિગ્રી રહ્યું હતું. ગુજરાતના લોકોના પ્રિય હિલ સ્ટેશન માઉન્ટ આબુના તાપમાનમાં પણ સતત વધઘટ થઈ રહી છે.

સમગ્ર ગુજરાતમાં ઘટી રહેલા તાપમાનને કારણે સવારે અને મોડી સાંજે ઠંડકનો અનુભવ થઈ રહ્યો છે. સાથે જ બપોરના તાપમાનમાં પણ ઘટાડો જોવા મળી રહ્યો છે. ગુલાબી ઠંડી વચ્ચે ગુજરાતીઓ હવે કડકડતી ઠંડીની રાહ જોઈ રહ્યા છે. ત્યારે હવામાન વિભાગની આગાહી મુજબ આગામી 7 દિવસ સુધી ગુજરાતનું હવામાન આવું જ રહેશે.