Gujarat: ગુનાઓને ઉકેલવા અને તેને અંકુશમાં લેવા માટે રાજ્યો વચ્ચે સંકલન ખૂબ જ મહત્વપૂર્ણ: DGP વિકાસ સહાય

Gujaratના પોલીસ મહાનિર્દેશક વિકાસ સહાયે જણાવ્યું હતું કે ગુનાઓને ઉકેલવા અને તેને અંકુશમાં લેવા માટે રાજ્યો વચ્ચે બહેતર સંકલન હોવું ખૂબ જ મહત્વપૂર્ણ છે. આ પ્રકારની બેઠકો આમાં મહત્વપૂર્ણ ભૂમિકા ભજવે છે. વિવિધ રાજ્યોમાં, ગુનાની તપાસ અને ગુના નિયંત્રણ માટે વિવિધ પદ્ધતિઓ અને તકનીકોનો ઉપયોગ કરવામાં આવે છે. આવી શ્રેષ્ઠ પદ્ધતિઓ અને તકનીકોનો એકબીજાનો પરિચય અપરાધને નિયંત્રિત કરવામાં મદદ કરી શકે છે. તેનાથી રાજ્યો વચ્ચે સંકલન પણ સુધરે છે.

તેઓ સોમવારે ગાંધીનગરમાં ગુજરાત પોલીસ ભવન ખાતે યોજાયેલી પશ્ચિમ ઝોન પોલીસ સંકલન સમિતિની 11મી બેઠકને સંબોધિત કરી રહ્યા હતા. ગુજરાત ઉપરાંત મહારાષ્ટ્ર, રાજસ્થાન, ગોવા, મધ્યપ્રદેશના DGP રેન્કના ઉચ્ચ અધિકારીઓએ પણ વીડિયો કોન્ફરન્સ દ્વારા બેઠકમાં ભાગ લીધો હતો.

આ રાજ્યોના DGP એ પણ મહત્વના સૂચનો આપ્યા હતા.
ગુજરાત પોલીસ રિફોર્મ્સના અધિક પોલીસ મહાનિર્દેશક ડો. નીરજા ગોત્રુએ સાયબર ક્રાઈમ નિવારણ, આંતરરાજ્ય સંકલન, સરહદ વ્યવસ્થાપન અને દોષિત ઠરાવના દરમાં સુધારો કરવા માટે લેવામાં આવતા પગલાં વિશે પ્રેઝન્ટેશન દ્વારા માહિતી આપી હતી. આ સાથે ગુજરાત પોલીસના કાયદો અને વ્યવસ્થાના DGP ડો.શમશેર સિંઘ, ગુનાઓ અટકાવવા અને ડિટેકશનમાં ટેક્નોલોજીને મહત્તમ મહત્વ આપતા 1 જુલાઈથી અમલી બનેલા ત્રણ નવા ફોજદારી કાયદાના મુદ્દાઓ પર ચર્ચા કરવામાં આવી હતી બેઠકમાં એડીજીપી સીઆઈડી ક્રાઈમ રાજકુમાર પાંડિયન, એડીજીપી પ્લાનિંગ એન્ડ મોર્ડનાઈઝેશન ખુર્શીદ અહેમદ અને અન્ય પોલીસ અધિકારીઓ હાજર રહ્યા હતા. જેમાં દાદરાનગર હવેલી, દીવ દમણના પોલીસ અધિકારીઓએ પણ ભાગ લીધો હતો.

ઝોન કક્ષાની સંકલન સમિતિની બેઠક 2016થી શરૂ થઈ છે
વડાપ્રધાન નરેન્દ્ર મોદીના વિઝન હેઠળ વર્ષ 2015થી ડીજીપી સાથે રાષ્ટ્રીય સ્તરની સંકલન પરિષદ શરૂ કરવામાં આવી હતી અને ત્યારબાદ 2016થી આવી ઝોન કક્ષાની પોલીસ સંકલન પરિષદ શરૂ કરવામાં આવી હતી. આ અંતર્ગત પશ્ચિમ ઝોનની પોલીસ સંકલન સમિતિની આ 11મી બેઠક હતી. આ વર્ષે ગુજરાત પોલીસ દ્વારા તેનું આયોજન કરવામાં આવ્યું હતું. ગુજરાત પોલીસ દ્વારા ત્રીજી વખત આ બેઠકનું આયોજન કરવામાં આવ્યું હતું.