સેમિકન્ડક્ટર પોલિસી લાગુ કરનાર Gujarat દેશનું પ્રથમ રાજ્ય બન્યું; રાજ્યમાં રૂ. 1.24 લાખ કરોડનું રોકાણ

Gujarat: ગુજરાતની ભૂપેન્દ્ર પટેલ સરકારે રાજ્યમાં સેમિકન્ડક્ટર પોલિસી લાગુ કરી છે અને આ સાથે ગુજરાત સેમિકન્ડક્ટર પોલિસી લાગુ કરનાર દેશનું પ્રથમ રાજ્ય બન્યું છે. મુખ્યમંત્રી ભૂપેન્દ્ર પટેલે જણાવ્યું હતું કે, સાણંદમાં રૂ. 22,500 કરોડથી વધુના ખર્ચે માઇક્રોનનો સેમિકન્ડક્ટર એટીએમપી પ્લાન્ટ બનાવવામાં આવશે. તેવી જ રીતે, ધોલેરા સેમિકોન સિટી ખાતે ભારતનું પ્રથમ કોમર્શિયલ આર્ટિફિશિયલ ઈન્ટેલિજન્સ-સક્ષમ સેમિકન્ડક્ટર ફેબ ટાટા ઈલેક્ટ્રોનિક્સ પ્રાઈવેટ લિમિટેડ (TEPL) અને તાઈવાની કંપની PSMC દ્વારા રૂ. 91,000 કરોડથી વધુના ખર્ચે બાંધવામાં આવશે.

સેમીકોનના પ્લાન્ટને મંજૂરી મળી
CG પાવર અને રેનેસાસ કંપની દ્વારા સાણંદ GIDC ખાતે સેમિકન્ડક્ટર OSAT સુવિધાની સ્થાપના કરવામાં આવશે જેની કુલ કિંમત રૂ. 7500 કરોડથી વધુ છે. આ ઉપરાંત રાજ્ય સરકારે સાણંદમાં કીન્સ સેમિકોનના પ્લાન્ટની સ્થાપનાને પણ મંજૂરી આપી છે. 3300 કરોડના રોકાણથી બનેલા આ પ્લાન્ટમાંથી દરરોજ લગભગ 60 લાખ ચિપ્સનું ઉત્પાદન કરવામાં આવશે.

1.24 લાખ કરોડનું રોકાણ આવ્યું હતું
ગુજરાતમાં સેમિકન્ડક્ટર એકમો દ્વારા કરવામાં આવેલ રોકાણો રાજ્યમાં ઉચ્ચ કૌશલ્ય આધારિત નોકરીઓનું સર્જન કરશે. આ એકમોનું નિર્માણ ભારતને સેમિકન્ડક્ટર ચિપની આયાત પરની તેની નિર્ભરતા ઘટાડવામાં અને ઓટો, ઈલેક્ટ્રોનિક્સ, મેડિકલ ડિવાઈસ અને ટેલિકોમ જેવા સંબંધિત ડાઉનસ્ટ્રીમ ઈન્ડસ્ટ્રીઝમાં રોજગાર સર્જનને વધારવામાં નોંધપાત્ર મદદ કરશે. સેમિકન્ડક્ટર પોલિસીની શરૂઆત સાથે, ગુજરાત ભારતીય સેમિકન્ડક્ટર ઇકો-સિસ્ટમને પ્રોત્સાહન આપવામાં અગ્રેસર રાજ્ય બન્યું છે. આ પ્રોજેક્ટ્સ દ્વારા રાજ્યમાં 53000 નવી સંભવિત નોકરીઓનું સર્જન થશે.

76,000 કરોડનું બજેટ
આ દિવસોમાં સમગ્ર વિશ્વમાં ડિજિટલ અને ઈલેક્ટ્રોનિક વસ્તુઓનો યુગ ચાલી રહ્યો છે. આ ક્ષેત્રને ઉજ્જવળ ભવિષ્ય આપતા ભારત સરકાર સેમિકન્ડક્ટર અને ડિસ્પ્લે આધુનિક ઈલેક્ટ્રોનિક્સ સાધનોની મૂળભૂત જરૂરિયાતો પર ધ્યાન કેન્દ્રિત કરી રહી છે. આ અંતર્ગત કેન્દ્ર સરકારે વર્ષ 2021માં વડાપ્રધાન નરેન્દ્ર મોદી દ્વારા ‘ઈન્ડિયા સેમિકન્ડક્ટર મિશન’ને મંજૂરી આપી છે. આ મિશન માટે ભારત સરકાર દ્વારા 76,000 કરોડ રૂપિયાનું વિશાળ બજેટ ફાળવવામાં આવ્યું હતું.