Ahmedabad: ઘણા લોકો સાહિત્ય, વાંચન અને પુસ્તકો લખવાનું પસંદ કરે છે, તો આવા પુસ્તક પ્રેમીઓ માટે સારા સમાચાર છે. તમને જણાવી દઈએ કે, અમદાવાદમાં આંતરરાષ્ટ્રીય પુસ્તક મેળાનું આયોજન થવા જઈ રહ્યું છે. અમદાવાદમાં આજથી 30મી નવેમ્બરથી 9 દિવસીય પુસ્તક મેળાનું આયોજન થવા જઈ રહ્યું છે. નેશનલ બુક ટ્રસ્ટ અને અમદાવાદ મ્યુનિસિપલ કોર્પોરેશન પુસ્તક મેળાનું આયોજન કરી રહ્યા છે. પુસ્તક મેળો રિવરફ્રન્ટ વેસ્ટ બેંક ઈવેન્ટ સેન્ટર ખાતે ખાસ એરકન્ડિશન્ડ ડોમમાં યોજાશે. જેમાં દેશના વિવિધ રાજ્યોના 147 પ્રકાશકો અને વિતરકોના 340 સ્ટોલ ઉભા કરવામાં આવ્યા છે.
આ દરમિયાન અલગ-અલગ સત્રનું પણ આયોજન કરવામાં આવ્યું છે, જેમાં રાજ્ય અને દેશના ખ્યાતનામ સાહિત્યકારો પણ તેમની રચનાઓ રજૂ કરશે. તમને આંતરરાષ્ટ્રીય લેખકો અને સહકર્મીઓ સાથે રૂબરૂ મળવાની તક મળશે. આ પુસ્તક મેળામાં કોઈ નોંધણી અને પ્રવેશ ફી નથી.
ભારત અને વિદેશના પુસ્તકો મળશે
Ahmedabadના પુસ્તક પ્રેમીઓ માટે આ ખૂબ જ સારા સમાચાર છે. તમને એક છત નીચે ભારત અને વિદેશના વિવિધ પુસ્તકો મળશે. આ પુસ્તક મેળો આજે 30 નવેમ્બરથી 8 ડિસેમ્બર દરમિયાન યોજાશે. પુસ્તક મેળાની સાથે-સાથે લોકોને મળવાની અને લેખકોને સાંભળવાની પણ તક મળે છે. આ પુસ્તક મેળામાં કોઈ પ્રવેશ ફી નથી.