Sog: ગાંધીનગર સ્પેશિયલ ઓપરેશન ગ્રુપ (SOG) ના પોલીસ કોન્સ્ટેબલે આત્મહત્યા કરી હોવાનું કહેવાય છે.
મળતી માહિતી મુજબ, ગાંધીનગર SOG માં પોલીસ કોન્સ્ટેબલ તરીકે ફરજ બજાવતા નરેન્દ્રસિંહ ઈશ્વરસિંહ ચાવડાએ રવિવારે મોડી રાત્રે પોતાના વતન ખાતે અજાણ્યા સંજોગોમાં આત્મહત્યા કરી હોવાનું કહેવાય છે.
જાણ થતાં સ્થાનિક પોલીસ ઘટનાસ્થળે પહોંચી હતી અને આ મામલે તપાસ શરૂ કરી હતી.
આ પગલું ભરવા પાછળનું કારણ હજુ સ્પષ્ટ નથી. નરેન્દ્રસિંહે કઈ પરિસ્થિતિમાં આ આત્યંતિક પગલું ભર્યું તે હજુ સુધી જાણી શકાયું નથી.
પોલીસે ગુનો નોંધ્યો છે અને આત્મહત્યા પાછળનું ચોક્કસ કારણ જાણવા માટે વધુ તપાસ ચાલી રહી છે.