વડોદરા ઝોનમાં ફી નિયમન સમિતિ (FRC)એ 7 જિલ્લાની 285 જેટલી શાળાઓની ફી નક્કી કરી છે, જે શૈક્ષણિક વર્ષ 2024-25થી અમલમાં આવશે. આ નિર્ણય વાલીઓ માટે રાહતરૂપ બન્યો છે, જેઓ ખાનગી શાળાઓની મનમાની ફીથી પરેશાન હતા.
વડોદરા ઝોનમાં FRCએ જિલ્લાવાર જોઈએ તો વડોદરાની 160, આણંદની 45, ખેડાની 27, દાહોદની 3, મહિસાગરની 11, પંચમહાલની 25 અને છોટા ઉદેપુરની 2 શાળાઓની ફી નક્કી કરી છે. જેથી આ તમામ જિલ્લાઓમાં હવે વાલીઓએ FRC દ્વારા નિયત કરાયેલી ફી ભરવાની રહેશે.
FRC દ્વારા નક્કી કરાયેલી ફી વાલીઓ માટે રાહતરૂપ બનશે. તેનાથી વાલીઓ પર પડતો આર્થિક બોજ ઓછો થશે.અગાઉ વાલીઓ પાસે નવા શૈક્ષણિક વર્ષના બે ક્વાર્ટરની ફી એડવાન્સમાં માગવામાં આવતી હતી, જે નિયમોનું ઉલ્લઘંન હતુ.
FRCની સમિતિએ શાળાઓ દ્વારા પ્રસ્તાવિત ફીની સમીક્ષા કરી અને વાજબી ફી નક્કી કરી છે. સમિતિએ શાળાઓની સુવિધાઓ, શિક્ષણની ગુણવત્તા અને અન્ય ખર્ચાઓને ધ્યાનમાં લઈને ફી નક્કી કરી છે. વડોદરા ઝોનમાં કુલ 285 શાળાઓની ફી નક્કી કરવામાં આવી છે. * આ શાળાઓમાં સીબીએસઈ અને ગુજરાત બોર્ડની શાળાઓનો સમાવેશ થાય છે.
આ પણ વાંચો..
- Gandhinagar: ટિકિટ ફાળવણી બાદ ગાંધીનગરમાં ભાજપમાં બળવો, પૂર્વ કાઉન્સિલર સહિત પાંચ અપક્ષ ઉમેદવારોએ ફોર્મ ભર્યા, આજે ચકાસણી
- Ahmedabad News: પિયરમાં રહેતી પુત્રવધૂએ જોઈન્ટ બેંક લોકરમાંથી ૫૦ લાખ રૂપિયાના ઘરેણાં ઉપાડ્યા, સાસુએ નોંધાવી ફરિયાદ
- Gujarat Congress: કોંગ્રેસે રાજકોટ, સુરત અને જૂનાગઢ સહિત અનેક શહેરોમાં હિંસક વિરોધ પ્રદર્શન કર્યા અને જ્ઞાનેશ કુમાર વિરુદ્ધ સૂત્રોચ્ચાર કર્યા
- Surat: એક ફેક્ટરીમાં ચોરી કરવા માટે ઘૂસેલા બે ચોરો ફસાયા, બહાર નીકળવા માટે બૂમો પાડી
- Panchmahal: શિક્ષણ વિભાગમાં ₹2.78 કરોડનું કૌભાંડ, DPEO ગાયત્રી પટેલે પોલીસ કાર્યવાહી રદ કરવા માટે હાઇકોર્ટનો સંપર્ક કર્યો!