અમદાવાદમાં EDએ ₹100 કરોડના વક્ફ મિલકત કૌભાંડમાં 10 સ્થળોએ દરોડા પાડ્યા. સલીમ જુમ્માખાન પઠાણ અને પાંચ સાગરિતોએ ટ્રસ્ટી હોવાનો દાવો કરી ભાડું વસૂલ્યું. ગાયકવાડ હવેલી પોલીસની FIR પગલે તપાસ શરૂ થઈ.
અમદાવાદ, (ગુજરાત): પ્રવર્તન નિદેશાલય (ED)એ અમદાવાદમાં ₹100 કરોડના વક્ફ મિલકત કૌભાંડના સંદર્ભમાં 10 સ્થળોએ દરોડા પાડ્યા છે. આ કૌભાંડમાં મુખ્ય આરોપી સલીમ જુમ્માખાન પઠાણ અને તેના પાંચ સાગરિતોએ ગુજરાત વક્ફ બોર્ડના ટ્રસ્ટી હોવાનો ખોટો દાવો કરી, જમાલપુર વિસ્તારમાં કાંચની મસ્જિદ અને શાહ બડા કાસમ ટ્રસ્ટની મિલકતોમાંથી ગેરકાયદે ભાડું વસૂલ્યું હતું.
આ કેસની શરૂઆત ગાયકવાડ હવેલી પોલીસ મથકમાં નોંધાયેલી એફઆઈઆરથી થઈ, જેમાં સલીમ અને તેના સાથીઓ પર ગેરકાયદે ટ્રસ્ટી તરીકે રજૂઆત કરી, વક્ફની મિલકતોમાંથી ભાડું વસૂલવાનો આરોપ છે. તપાસમાં જાણવા મળ્યું કે, આ ગેંગે 200 ઘરો, 15 રહેણાંક મિલકતો અને 25-30 દુકાનોમાંથી દર મહિને ₹5,000થી ₹10,000 ભાડું વસૂલ્યું, તેમજ ટ્રસ્ટના દાનપેટીમાંથી દર મહિને ₹50,000ની ઉચાપત કરી.
વક્ફ બોર્ડે આ જમીન અમદાવાદ મ્યુનિસિપલ કોર્પોરેશન (AMC)ને ઉર્દૂ સ્કૂલ માટે ફાળવી હતી, પરંતુ 2001ના ભૂકંપમાં સ્કૂલની ઇમારત ધ્વસ્ત થઈ હતી. 2009માં તેને તોડી પાડવામાં આવી, અને સલીમે તે જગ્યાએ 10 દુકાનો બનાવી, જેમાંથી એકમાં તેની ‘સોદાગર કન્સ્ટ્રક્શન’ની ઓફિસ બનાવી, બાકીની દુકાનો ભાડે આપી દીધી. આ ભાડાની રકમ ક્યાંય જમા ન થઈ, અને આ ગેંગે 20 વર્ષથી આ ગેરકાયદે વહીવટ ચલાવ્યો.
EDની તપાસ હજુ ચાલુ છે, અને આ કૌભાંડમાં અન્ય સંડોવાયેલા લોકોની શોધખોળ ચાલી રહી છે. 8 એપ્રિલ, 2025ના રોજ લાગુ થયેલા વક્ફ (સુધારા) અધિનિયમ, 2025નો હેતુ આવા ગેરવહીવટને રોકવાનો છે, જે પારદર્શિતા અને કાર્યક્ષમતા વધારવા પર ધ્યાન આપે છે.
એસીપી વાણી દુધાતે જણાવ્યું હતું કે શહેરના જમાલપુર વિસ્તારમાં કાચની મસ્જિદ પાસે ઈડી દ્વારા દરોડા પાડવામાં આવ્યા હતા. જેના માટે સ્થાનિક પોલીસનો બંદોબસ્ત માંગવામાં આવ્યો હતો. ઇડી દ્વારા સલીમ જુમ્મા ખાન પઠાણની સાથે સંકળાયેલા તમામ લોકોના ત્યાં દરોડા પાડવામાં આવ્યા છે. પોલીસ બંદોબસ્ત પણ ગોઠવવામાં આવ્યો છે. કાચની મસ્જિદની ગેરકાયદેસર રીતે દુકાનો બનાવી અને ભાડું ઉઘરાવતો હોવાનું સામે આવ્યું હતું જે મામલે ગાયકવાડ હવેલી પોલીસ સ્ટેશનમાં આરોપી સલીમ ખાન પઠાણ વિરુદ્ધ ફરિયાદ પણ નોંધાઈ હતી.
જમાલપુર વકફ બોર્ડની જમીન પચાવી પાડવા મામલે સલીમ ખાન પઠાણના ત્યાં દરોડા પાડવામાં આવ્યા છે જેમાં સલીમ ખાન સાથે સંકળાયેલા તેમના સંબંધીઓના ત્યાં પણ દરોડા પાડવામાં આવી રહ્યા છે. દાણીલીમડા વોર્ડના કોંગ્રેસના કોર્પોરેટર અને અમદાવાદ મ્યુનિસિપલ કોર્પોરેશનના વિપક્ષના નેતા શહેઝાદ ખાન પઠાણના કાકા શરીફ ખાન પઠાણના ઘરે પણ દરોડા પાડવામાં આવ્યા છે. શરીફખાન પઠાણ નવાબ બિલ્ડર્સના નામે બિલ્ડીંગ કન્સ્ટ્રક્શનનો વ્યવસાય કરે છે. દાણીલીમડા ખાતે આવેલા વ્હાઇટ હાઉસ ખાતેના શરીફ ખાનના ઘરે ઈડી દ્વારા સર્ચ ઓપરેશન કરવામાં આવી રહ્યું છે. વિવિધ મિલકતો દસ્તાવેજો વગેરે અંગેની તપાસ શરીફખાનના ઘરે કરવામાં આવી રહી છે.
Also Read:
- Pope election: પોપની ચૂંટણી આજથી શરૂ, 71 દેશોના 133 કાર્ડિનલ્સ ભાગ લેશે; પ્રાદેશિક પ્રાથમિકતાઓનો પ્રભાવ પડશે
- India-uk: ભારત અને બ્રિટન વચ્ચે મુક્ત વેપાર થશે, બંને દેશો વચ્ચે કરાર થયો; જાણો કઈ વસ્તુઓ સસ્તી થશે
- Password: ૧૯૦૦ કરોડથી વધુ લોકોના પાસવર્ડ ચોરાઈ ગયા! તમારું એકાઉન્ટ હેક થયું છે કે નહીં તે તપાસો
- Mock drill: 7 મેના રોજ યુદ્ધનું સાયરન વાગે ત્યારે ડરશો નહીં, મોકડ્રીલ સમયે તમારે શું કરવું જોઈએ? જાણો દરેક સવાલનો જવાબ
- Gujaratમાં કાલે રોજ યોજાનાર સિવિલ ડીફેન્સ મોક ડ્રીલ માટે હર્ષ સંઘવીએ જાણકારી આપી