Ambaji મંદિરથી ગબ્બર પર્વત સુધીનો રૂ.1200 કરોડના ખર્ચે કરશે વિકાસ, આધ્યાત્મિકતાને આધુનિક ઈન્ફ્રાસ્ટ્રક્ચર સાથે થશે જોડાણ

રાજ્ય સરકારના પ્રવક્તા મંત્રી ઋષિકેશ પટેલે જણાવ્યું છે કે સરકાર દેશની 51 શક્તિપીઠોના હૃદય એવા Ambajiના વિશ્વસ્તરીય વિકાસ માટે પ્રતિબદ્ધ છે. 1200 કરોડના ખર્ચે Ambajiમંદિરથી ગબ્બર પર્વત સુધીનો વિકાસ કરવામાં આવશે. ગુજરાત વિધાનસભામાં પ્રશ્ન-જવાબના સત્ર દરમિયાન મંત્રી ઋષિકેશ પટેલે અંબાજી યાત્રાધામ વિકાસ પ્રોજેક્ટ વિશે જણાવ્યું હતું કે, અંબાજી માતાના મંદિરથી ગબ્બર પર્વત સુધીના વિસ્તારનો વ્યાપક વિકાસ કરવામાં આવશે. જેનો અંદાજિત ખર્ચ રૂ. 1191 કરોડ થશે. પવિત્ર યાત્રાધામ વિકાસ બોર્ડ દ્વારા તૈયાર કરાયેલ વિકાસ યોજનામાં આધ્યાત્મિકતાને આધુનિક ઈન્ફ્રાસ્ટ્રક્ચર સાથે જોડવામાં આવશે અને આસપાસના પર્યાવરણનું પણ રક્ષણ કરવામાં આવશે.

ગબ્બર પર્વત પર સ્થિત જ્યોત અને મંદિરના વિસા યંત્ર વચ્ચે એક સરળ જોડાણ કરવામાં આવશે. ચાચર ચોક અને ગબ્બર મંદિરને કલાત્મક શિલ્પો અને ઇન્ટરેક્ટિવ ડિસ્પ્લે દ્વારા સમૃદ્ધ સ્થાનિક સંસ્કૃતિ અને ઇતિહાસને પ્રતિબિંબિત કરવા માટે વિકસાવવામાં આવશે. આ સાથે સાંસ્કૃતિક અને સામુદાયિક કાર્યક્રમો માટે પણ સુવિધાઓ આપવામાં આવશે.

યાત્રિકોની સલામતી અને સુવિધા સુનિશ્ચિત કરવા અને તેમને આરામ કરવાની જગ્યા પૂરી પાડવા માટે મંદિર સંકુલથી ગબ્બર પર્વત સુધી સ્પષ્ટ સાઈનબોર્ડ સાથેનો ઈકો-ફ્રેન્ડલી વોકવે બનાવવામાં આવશે.

દિવ્ય દર્શની ચોકના વિકાસ હેઠળ, બેઠક વ્યવસ્થા, હરિયાળી અને માહિતી કિઓસ્ક સાથે સુંદર ડિઝાઇન કરાયેલ જાહેર મનોરંજન વિસ્તાર વિકસાવવામાં આવશે. આ સ્થાનિક વિક્રેતાઓ માટે જગ્યા પણ સુનિશ્ચિત કરશે.

સતી સરોવર અને સતી ઘાટને લેન્ડસ્કેપ બગીચાઓ અને ધાર્મિક વિધિઓ માટે પર્યાવરણને અનુકૂળ સુવિધાઓ સાથે વિકસાવવામાં આવશે. મંત્રીએ જણાવ્યું કે આ પ્રોજેકટ પૂર્ણ થવાથી ગુજરાતના પ્રવાસનને તો વેગ મળશે જ પરંતુ આવનારી પેઢીઓ માટે આધ્યાત્મિક સ્થળ તરીકે અંબાજીનું મહત્વ પણ વધશે.