સુરત. સાયબર સેલે 45.92 કરોડ રૂપિયાના આંતરરાષ્ટ્રીય સાયબર ફ્રોડના કેસમાં પિતા-પુત્ર પ્રવીણભાઈ અને ચંદ્રરાજ ધાધલને 5 દિવસના રિમાન્ડ પર લીધા છે. બંને બેરોજગાર હોવાથી સાયબર ગુનાની દુનિયામાં જોડાયા હતા. પ્રવીણભાઈ ધાધલ સુરતમાં હીરા ઉદ્યોગમાં રત્નકલાકાર હતા, જ્યારે તેમનો પુત્ર ચંદ્રરાજ પણ બેરોજગાર હતો. પોલીસના જણાવ્યા અનુસાર, આ ગેંગનું કામ છેલ્લા બે વર્ષથી ચાલી રહ્યું હતું.
દરેક બેંક ખાતાનું ભાડું 1.75 લાખ રૂપિયા હતું, જેમાંથી 1.10 લાખ ત્રીજી પાર્ટીને જતું હતું. આરોપીઓ ખાતા ધારકને 1.15 લાખ આપતા અને પોતે 60 હજાર રૂપિયાનું કમિશન લેતા હતા. રિમાન્ડ દરમિયાન પોલીસ આરોપી પુત્ર ચંદ્રરાજ અને અન્ય ફરાર આરોપીઓના નામ, સરનામાં અને ભૂમિકાની માહિતી એકત્ર કરી રહી છે. બેંકમાંથી તમામ ટ્રાન્ઝેક્શનની વિગતો માંગવામાં આવી છે, જે સોમવાર સુધી મળવાની શક્યતા છે. પોલીસ આ આંતરરાષ્ટ્રીય સાયબર ફ્રોડ નેટવર્કના અન્ય સભ્યોને પકડવાના પ્રયાસમાં જોડાઈ છે.