વડોદરા મ્યુનિસિપલ કોર્પોરેશનની શાળાઓમાં રમઝાન દરમિયાન શાળાના સમયમાં ફેરફાર કરતા વિવાદ, VHP દ્વારા વિરોધ પ્રદર્શન

રમઝાન દરમિયાન વડોદરા મહાનગરપાલિકા શાસિત શાળાઓના સમયમાં ફેરફાર કરાતા વિવાદ ઉઠ્યો છે. વડોદરામાં રમઝાન દરમિયાન મ્યુનિસિપલ કોર્પોરેશન (VMC) શાસિત શાળાઓના સમયપત્રકમાં ફેરફારને લઈને વિવાદ થયો છે.

ભાજપ શાસિત મહાનગરપાલિકા સંચાલિત સ્કુલ બોર્ડ દ્વારા લઘુમતી વિદ્યાર્થીઓની સંખ્યા વધારે હોય તેવી શાળાઓના સમયમાં ફેરફાર કરવામાં આવ્યો હતો. આ અંગેની જાણ વિશ્વ હિંદુ પરિષદને થતા વિરોધ નોંધાવ્યો છે અને ઠેર-ઠેર દેખાવો શરૂ કર્યા છે. રાજ્ય સરકારે આ મામલે તપાસના આદેશ આપ્યા છે.

વિશ્વ હિંદુ પરિષદ (VHP)ના ક્ષેત્રિય મંત્રીએ નિવેદન આપતા જણાવ્યું હતું કે, કેન્દ્ર અને રાજ્ય સરકાર દેશભરમાં સમાન નાગરિક ધારો (Uniform Civil Code) લાગુ કરવા માટે એકમત ઊભો કરવાનો પ્રયાસ કરી રહી છે, પરંતુ વડોદરા મહાનગરપાલિકા હેઠળ ભાજપ શાસિત મનપાની શાળાઓમાં રમઝાન માસને ધ્યાનમાં રાખી, સમયપત્રકમાં ફેરફાર કરવાની કાર્યવાહી કરવામાં આવી છે. આમાં તૃષ્ટિકરણ નીતિ અપનાવવાનો આરોપ પણ ઉઠાવ્યો છે.

આ બાબતે રાજ્યના શિક્ષણમંત્રીએ જણાવ્યુ છે કે, વડોદરામાં શાળાના સમયમાં ફેરફાર કરવાની વિગતો ધ્યાને આવી છે. આ બાબતે તપાસના આદેશ અપાયા છે. ત્યાંના શિક્ષણાધિકારી સાથે વાત કરી છે અને સમગ્ર બાબતે રીપોર્ટ મંગાવ્યો છે.

આ પણ વાંચો

• IPL 2026: કર્ણાટક સરકારે BCCI પહેલાં મોટી જાહેરાત કરી, IPL બેંગ્લોરમાં યોજાશે
• China: ચીને જાપાની ફાઇટર જેટને નિશાન બનાવ્યું, બે વાર ફાયર રડાર બંધ કર્યું; બેઇજિંગ તેનો ઇનકાર કરે
• Amit shah: બંગાળ અને તમિલનાડુમાં NDAનો જંગી વિજય નિશ્ચિત, અમિત શાહનો દાવો; લોકોએ કોંગ્રેસને નકારી કાઢી છે
• Indigo: ૬૧૦ કરોડ રૂપિયા પરત, ૩૦૦૦ બેગ પણ પરત… કટોકટી વચ્ચે ઇન્ડિગોની ફ્લાઇટ્સ આ રીતે પાટા પર ફરી રહી છે
• અમેરિકાએ Caribbean Sea માં ફિલ્મ જેવી રીતે ડ્રગ તસ્કરોની બોટ જપ્ત કરી, સેંકડો ડ્રગ પેકેજો જપ્ત કર્યા