કોંગ્રેસ નેતા Rahul Gandhiએ શનિવારે ગુજરાતમાં કાર્યકર્તા સંવાદ કાર્યક્રમને સંબોધિત કર્યો હતો. આ દરમિયાન તેમણે દાવો કર્યો કે ગુજરાતમાં કોંગ્રેસના કેટલાક નેતાઓ ભાજપ સાથે જોડાયેલા છે. આ સાથે તેણે એમ પણ કહ્યું કે આ લોકોને બહાર કાઢવા પડશે. તેમણે કહ્યું કે, ગુજરાત કોંગ્રેસમાં બે પ્રકારના લોકો છે. જે લોકો સાથે ઉભા છે, લોકો માટે લડે છે અને તેના હૃદયમાં કોંગ્રેસની વિચારધારા છે. બીજા એવા છે કે જેઓ જનતાથી કપાયેલા છે, જનતાથી દૂર બેસે છે. જનતાને માન આપતા નથી અને તેમાંથી અડધા ભાજપ સાથે જોડાયેલા છે.
રાહુલ ગાંધીએ કહ્યું કે, જ્યાં સુધી અમે આ બંનેને અલગ નહીં કરીએ ત્યાં સુધી ગુજરાતની જનતા અમારા પર વિશ્વાસ નહીં કરે. તેમણે કહ્યું કે, ગુજરાતના ઉદ્યોગપતિઓથી લઈને વિદ્યાર્થીઓ સુધી દરેકને વિકલ્પો જોઈએ છે. મારી જવાબદારી આ બે જૂથોને ફિલ્ટર કરવાની છે. કોંગ્રેસ પક્ષમાં નેતાઓની કોઈ કમી નથી. પાર્ટીમાં બબ્બરશેર છે પણ તેને પાછળથી સાંકળો બાંધવામાં આવ્યો છે.
રાહુલ ગાંધીએ વધુમાં કહ્યું કે ગુજરાતની જનતા જોઈ રહી છે કે કોંગ્રેસે લગ્નના ઘોડા રેસમાં મૂકી દીધા છે. જો મારે જનતા સાથે સંબંધ બાંધવો હોય તો મારે બે કામ કરવા પડશે. પ્રથમ કાર્ય બે જૂથોને અલગ કરવાનું છે. જો કડક કાર્યવાહી કરવી હોય તો 10, 20, 30, 30 લોકોને હાંકી કાઢો. તમે અંદરથી ભાજપ માટે કામ કરો છો.
રાહુલ ગાંધીએ કહ્યું કે કોંગ્રેસના તમામ નેતાઓના દિલમાં કોંગ્રેસ હોવી જોઈએ. જીત અને હાર વિશે ભૂલી જાઓ. હાથ કપાય તો પણ તેમાંથી કોંગ્રેસનું લોહી નીકળવું જોઈએ.