મહુધાથી તરંગ શર્મા દ્વારા…
Gujaratના ખેડા જિલ્લામાં સરકારની નલ સે જલ યોજનાને નિષ્ફળ પુરવાર કરતી વધુ એક ઘટના સામે આવી છે. જેમાં મહુધા તાલુકાના ચુણેલ ગામમાં વર્ષોથી પીવાના પાણીની સમસ્યા લોકો માટે મુશ્કેલીનું કારણ બની છે. હાલ ગ્રામજનોને 2 કિલોમીટર દૂર પાણી ભરવા જવાની પરીસ્થિતિ ઉભી થઈ છે.
મળતી માહિતી મુજબ Gujaratમાં મહુધા તાલુકાના ચુણેલ ગામમાં 8 હજાર ઉપરાંત વસ્તી છે. આ ગામમાં વર્ષોથી પીવાના પાણીનો કોઈ ચોક્કસ સ્ત્રોત નથી. લોકો પાસે પાણીનો સ્ત્રોત ન હોવાથી હાલાકી ભોગવી રહ્યા છે.
હાલ Gujaratના ખેડા જિલ્લામાં આ ચુણેલના ગ્રામજનો 2 કિલોમીટર દૂર અન્ય ગામના સીમ વિસ્તારમાં આવેલા હનુમાનજી મંદિર પાસેથી પાણી ભરી લાવવા માટે મજબૂર છે. ગામના બાળકોથી માંડી મોટેરાઓ સુધી પાણી ભરવા જાય છે. તો આ તરફ સરકાર જોરશોરથી નલ સે જલ યોજનાનો પ્રચાર કરી રહી છે, પરંતુ ચુણેલ જેવા ગામમાં આ યોજનાની કોઈ અમલવારી થઈ નથી.
ચુણેલમાં સરકાર દ્વારા દોઢેક વર્ષ પહેલા ખીજલપુર જૂથ પાણી-પુરવઠા યોજના શરૂ કરાઈ હતી, જો કે, તેની અમલવારી ન થતા આજસુધી આ યોજનાનું ટીપુય પાણી ગામ સુધી પહોંચ્યુ નથી. જેથી તંત્ર દ્વારા ચુણેલના ગ્રામજનોને પાણીની યોગ્ય સુવિધા ઉપ્લબ્ધ કરાવવામાં આવે તેવી માંગણી પ્રબળ બની છે.
આ પણ વાંચો..
- RCB એ 16 ઓવરમાં 200+ ના લક્ષ્યનો પીછો કર્યો; સીઝનની શરૂઆતમાં કોહલી, પડિકલ અને કિશનની અડધી સદીઓ
- pm modi: “આ મુદ્દા પર અમે સંમત થયા”: સાઉદી પ્રિન્સ સાથેની વાતચીત બાદ X પર પીએમ મોદીની પોસ્ટ
- Imran khan: ઇમરાન ખાનના પુત્રના યુએન ભાષણથી પાકિસ્તાન ગુસ્સે ભરાયું, તેને ‘પૂર્વયોજિત કાવતરું’ ગણાવ્યું
- iran: હોર્મુઝ પર યુદ્ધની ગણતરી! શું ઈરાન આખા આરબ વિશ્વને આગ લગાડશે? મોજતાબાની ચેતવણીથી દુનિયા ધ્રૂજી ઉઠી
- ‘dhurandhar 2’એ દસમા દિવસે પણ પોતાનો ધસારો ચાલુ રાખ્યો; ‘પુષ્પા 2’, ‘છાવા’ અને ‘દંગલ’ના રેકોર્ડ તોડી નાખ્યા