બલ્ગેરીયન યુવતીના જાતીય સતામણીના કેસમાં સોલા High Court પોલીસને તપાસ માટે વધુ બે મહિનાનું એક્સ્ટેન્શન અપાયું

બલ્ગેરીયન યુવતી સાથે દુષ્કર્મ અને જાતીય સતામણી અંગેના કેડિલાના સીએમડી રાજીવ મોદી વિરૂધ્ધના કેસમાં અમદાવાદ ગ્રામ્ય કોર્ટે એક મહત્ત્વના ડેવલપમેન્ટમાં સોલા High Court પોલીસને વધુ તપાસ માટે વધુ એક વખત એકટેન્શન આપવામાં આવ્યું છે. કોર્ટે સોલા હાઈકોર્ટ પોલીસને આ કેસની તપાસ માટે તા.૧૦મી ડિસેમ્બર સુધીનો સમય વધારી આપ્યો હતો. નોંધનીય છે કે, અદાલત દ્વારા આ કેસમાં પોલીસને વધુ તપાસ માટે આ બીજીવાર એક્સ્ટેન્શન આપવામાં આવ્યું છે.

સોલા હાઇકોર્ટે પોલીસ દ્વારા વધુ તપાસ માટે એફ્ટેન્શન આપવા કરાયેલી માંગણી ગ્રામ્ય કોર્ટે ગ્રાહ્ય રાખી સોલા High Court પોલીસ દ્વારા કેસની વધુ તપાસ માટે થોડો વધુ સમય આપવા દ્વારા માંગણી કરાઈ હતી, જેને ગ્રાહ્ય રાખતાં ગ્રામ્ય કોર્ટે આ હુકમ કર્યો હતો. પોલીસ દ્વારા આ કેસમાં વધુ તપાસ માટે અગાઉ એક્સ્ટેન્શન મેળવાયા બાદ વધુ તપાસના ભાગરૂપે પોલીસે કેટલાક સાક્ષીઓના નિવેદનો નોંધ્યા હતા. જે આ કેસમાં મહત્ત્વનો પુરાવો બની શકે છે. જો કે, ફરિયાદી પીડિતા તરફથી આ સાક્ષીઓને પ્રશ્ન પૂછવાની માંગણી કરાઇ હતી પરંતુ પરંતુ પોલીસે આવી મંજૂરી આપવાનો ઇન્કાર કરી દીધો હતો.

અગાઉ ઓગસ્ટ મહિનામાં આ કેસમાં વધુ તપાસ માટે બે મહિનાનો સમય આપ્યો હતો. આ પહેલાં કોર્ટે ગત તા.૨૯-૬-૨૦૨૪ના રોજ કોર્ટે પોલીસ આ કેસમાં રજૂ કરાયેલો કલોઝર રિપોર્ટ સ્વીકારવાનો સાફ ઈન્કાર કરી દીધો હતો કે જેમાં રાજીવ મોદી અને કંપનીના કર્મચારી જોન્સન મેથ્યુને કલીનચિટ્ આપવામાં આવી હતી. પોલીસ તરફથી જણાવાયું હતું કે, આ લોકોની વિરૂધ્ધમાં કોઈ નક્કર પુરાવા હાથ લાગ્યા નથી. જો કે, પોલીસના આ સમરી રિપોર્ટનો પીડિતા તરફથી ઉગ્ર વિરોધ કરાયો હતો અને જણાવાયું હતું કે, પોલીસે સમગ્ર કેસમાં યોગ્ય તપાસ જ કરી નથી અને તેથી તપાસ ભેદભાવપૂર્ણ અને પક્ષપાતી છે. બાદમાં કોર્ટે કોર્ટે પોલીસના કલોઝર રિપોર્ટને ફગાવી વધુ તપાસનો હુકમ કર્યો હતો.