Gujarat: વડાપ્રધાન નરેન્દ્ર મોદીએ ગુજરાતના જનતા જનાર્દનના મુખ્યમંત્રી ભૂપેન્દ્ર પટેલના નેતૃત્વમાં દ્રઢ વિશ્વાસ વ્યક્ત કરીને વિકાસની રાજનીતિના પાયા પર બાંધેલા સર્વગ્રાહી વિકાસના પાયાને વધુ મજબૂત બનાવ્યો છે. આ જાહેર સમર્થન અને જાહેર વિશ્વાસ સાથે, મુખ્યમંત્રી ભૂપેન્દ્ર પટેલની આગેવાની હેઠળની સરકારે 12 ડિસેમ્બર, 2022 ના રોજ શાસન સંભાળ્યું. તેમના સફળ શાસનના બે વર્ષ 12 ડિસેમ્બર 2024ના રોજ પૂર્ણ થશે.
મુખ્યમંત્રીશ્રીના દીર્ઘદ્રષ્ટા નેતૃત્વ હેઠળ વર્તમાન સરકારે અનેક સિદ્ધિઓ અને લોક કલ્યાણકારી યોજનાઓના સારા પરિણામો સાથે રાજ્યની વિકાસયાત્રાને નવી દિશા આપી છે. વડાપ્રધાન નરેન્દ્ર મોદીએ વિકસિત ભારત @2047 માટે ચાર મુખ્ય સ્તંભો પર ધ્યાન કેન્દ્રિત કર્યું છે – ગરીબ, યુવાનો, ખેડૂતો અને મહિલાઓનું સશક્તિકરણ. મુખ્યમંત્રી ભૂપેન્દ્ર પટેલ અને ‘ટીમ ગુજરાત’ એ પણ વિકસિત ગુજરાત દ્વારા ‘વિકસિત ભારત @2047’ના વડાપ્રધાનના સંકલ્પને હાંસલ કરવાની પ્રતિજ્ઞા લીધી છે.
મુખ્યમંત્રીના નેતૃત્વ હેઠળ, રાજ્ય સરકારે વડાપ્રધાનના વિઝનને અનુરૂપ, વિકાસની દરેક યોજના અને કાર્યક્રમમાં ‘જ્ઞાન’ એટલે કે ગરીબો, યુવાનો, ખેડૂતો અને મહિલાઓના સશક્તિકરણ અને ઉત્થાન પર ધ્યાન કેન્દ્રિત કર્યું છે. રાજ્યના મુખ્યમંત્રી ભૂપેન્દ્ર પટેલના નેતૃત્વમાં રાજ્ય સરકારના બે વર્ષ પૂર્ણ થવાના અવસર પર સેવા, સંકલ્પ અને સમર્પણના બે વર્ષની ઉજવણી કરવામાં આવી રહી છે. આ ઉજવણી અંતર્ગત ગુજરાત સરકારના શિક્ષણ વિભાગના નેજા હેઠળના ગુજરાત નોલેજ સોસાયટી અને i-Hub દ્વારા KCG કેમ્પસ ખાતે ‘સેલિબ્રેટિંગ વુમન સ્ટાર્ટઅપ્સ એન્ડ ઈનોવેટર્સ’ ઈવેન્ટનું આયોજન કરવામાં આવ્યું છે.
મુખ્યમંત્રી ભૂપેન્દ્રભાઈ પટેલના અધ્યક્ષસ્થાને યોજાનાર આ ઈવેન્ટનો હેતુ મહિલા ઉદ્યોગસાહસિકોને યોગ્ય મંચ પૂરું પાડીને ગુજરાતના સ્ટાર્ટઅપ ક્ષેત્રે તેઓના અમૂલ્ય યોગદાનની ઉજવણી કરવાનો તથા વધુ મહિલા ઉદ્યોગસાહસિકોને પ્રોત્સાહિત કરવાનો છે. મહિલા સ્ટાર્ટઅપ્સની નવીનતા અને સક્ષમતાને ઉજાગર કરતું આ પ્રદર્શન ક્લીન ટેક્નોલોજી, એગ્રીટેક, હેલ્થકેર અને ડીપ ટેક્નોલોજી સહિતનાં વિવિધ ક્ષેત્રોમાં તેમના મહત્ત્વપૂર્ણ યોગદાનને પ્રદર્શિત કરશે.
અત્રે ઉલ્લેખનીય છે કે, WEStart અને સ્ટુડન્ટ સ્ટાર્ટઅપ એન્ડ ઈનોવેશન પોલિસી (SSIP) જેવી પહેલોના અમલીકરણ દ્વારા રાજ્યએ મેળવેલી સિદ્ધિઓના કારણે કેન્દ્ર સરકારના વાણિજ્ય મંત્રાલય દ્વારા કરવામાં આવતા સ્ટેટ સ્ટાર્ટઅપ રેંકિંગમાં ગુજરાત રાજ્યને સમગ્ર દેશમાં સ્ટાર્ટઅપ ક્ષેત્રે છેલ્લાં ચાર વર્ષોથી શ્રેષ્ઠ કાર્ય કરતા રાજ્ય(બેસ્ટ પર્ફોર્મર)નો દરજ્જો પ્રાપ્ત થયો છે.