Bharuch: ભરુચ જિલ્લાના હાંસોટ-પંડવાઈ રોડ પર એક હ્રદયદ્રાવક અકસ્માત સર્જાયો હોવાની માહિતી સામે આવી છે. આ અકસ્માતમાં બાઈક પર જઈ રહેલા પિતા અને પુત્રનું ઘટનાસ્થળે જ મોત નિપજ્યું હતું. અચાનક બનેલી આ દુર્ઘટનાએ સમગ્ર વિસ્તારમાં શોકની લાગણી વ્યાપી ગઈ છે.
ટ્રક ચાલક ઘટનાસ્થળેથી ફરાર
માહિતી અનુસાર, અકસ્માત બાદ મોટી સંખ્યામાં લોકો ઘટનાસ્થળે ભેગા થયા હતા. સ્થાનિક લોકોએ ટ્રક ચાલકને પકડવાનો પ્રયાસ કર્યો હતો, પરંતુ તે ટ્રક છોડી નાસી છૂટ્યો હતો. હાલ પોલીસ ફરાર ચાલકની શોધખોળમાં લાગી ગઈ છે.
પોલીસની કાર્યવાહી શરૂ
હાંસોટ પોલીસે અકસ્માતની જાણ થતાં જ તરત જ ઘટનાસ્થળે પહોંચી તપાસ હાથ ધરી હતી. બંને મૃતક પિતા-પુત્રોના મૃતદેહોને કબજે લઇને પોસ્ટમોર્ટમ માટે મોકલવામાં આવ્યા છે. પોલીસ દ્વારા આરોપી ટ્રક ડ્રાઈવરને ઝડપી પાડવા માટે ચક્રો ગતિમાન કરવામાં આવ્યા છે.
મૃતક વાલનેરના રહેવાસી
માહિતી મુજબ, અકસ્માતમાં મોતને ભેટેલા પિતા અને પુત્રો વાલનેર ગામના રહેવાસી હતા. અચાનક થયેલા આ અકસ્માતથી પરિવારજનોમાં શોકનો માહોલ છવાઈ ગયો છે.
સ્થાનિકોમાં રોષ
આ અકસ્માત પછી ગ્રામજનોમાં ભારે રોષ જોવા મળ્યો છે. લોકો રસ્તા પર ટ્રાફિક સુરક્ષા અને ભારે વાહનચાલકોની બેદરકારી અંગે તીવ્ર પ્રતિક્રિયા વ્યક્ત કરી રહ્યા છે.
આ પણ વાંચો
- Ahmedabad: બાપુનગરમાં અસામાજિક તત્વોએ આતંક મચાવ્યો, ભાજપના કાઉન્સિલરની ઓફિસમાં તોડફોડ અને વાહનોમાં તોડફોડ કરવામાં આવી.
- Gujarat LPG crisis: ફેક્ટરીઓમાં તાળાબંધી, કામદારોની રેલ્વે સ્ટેશનો પર ભીડ, રાજસ્થાન, મુંબઈ અને ગુજરાતમાં એક સમાન દૃશ્યો
- Ahmedabad: અમદાવાદમાં 9 વર્ષમાં 1,295 પાકિસ્તાનીઓ ભારતીય નાગરિક બન્યા
- Junagadh: ઘરમાંથી ફક્ત અડધી વસ્તુઓ જ ચોરી કરતી… 300 ચાવીઓ અને ચોરી માટેનો ‘વિચિત્ર નિયમ’ જાણીને પોલીસ પણ થઇ હેરાન
- Gujarat પ્રવાસે PM Modi; ગાંધીનગરમાં સમ્રાટ સંપ્રતિ મ્યુઝિયમનું કર્યું ઉદ્ઘાટન, કહી આ વાત…