વધુ એક કાવતરું: Botad ખાતે ટ્રેન પાટા પરથી ઉતારવાનો પ્રયાસ, ટ્રેક પર મૂક્યો 4 ફૂટ લાંબો લોખંડનો ટૂકડો

ગાંધીનગરઃ ઉત્તર પ્રદેશ અને મધ્યપ્રદેશ બાદ હવે ગુજરાતમાં પણ ટ્રેનને પાટા પરથી ઉતારવાનો પ્રયાસ કરવામાં આવ્યો હતો. સદ્ભાગ્યની વાત એ હતી કે ટ્રેક પર રાખેલા 4 ફૂટ લાંબા લોખંડના ટુકડા સાથે અથડાયા બાદ એન્જિન બંધ થઈ ગયું હતું અને મોટી દુર્ઘટના ટળી હતી. મળતી માહિતી મુજબ, બુધવારે સવારે Botad ખાતે ઓખા-ભાવનગર પેસેન્જર ટ્રેન ટ્રેક પર રાખેલા લોખંડના ટુકડા સાથે અથડાઈ હતી. આપને જણાવી દઈએ કે ચાર દિવસ પહેલા ગુજરાતના સુરત નજીક વડોદરામાં રેલ્વે ટ્રેકમાં છેડછાડ કરવામાં આવી હતી. બદમાશોએ પાટા વચ્ચે ફિશ પ્લેટો ખોલી હતી.

ટ્રેનના પાટા સાથે છેડછાડ
ગુજરાતમાં સુરત બાદ બોટાદમાં ટ્રેનના પાટા તોડવામાં આવ્યા હતા. Botad ઓખા-ભાવનગર પેસેન્જર ટ્રેનના માર્ગ પર રાત્રીના સમયે અજાણ્યા ઈસમોએ લોખંડનો 4 ફૂટ લાંબો ટુકડો ટ્રેક પર મૂકી દીધો હતો. ઓખા-ભાવનગર પેસેન્જર ટ્રેન બુધવારે વહેલી સવારે બોટાદ પાસેથી પસાર થતી વખતે આ ટુકડા સાથે અથડાઈ હતી. ટક્કર થતાં જ એન્જિન બંધ થઈ ગયું હતું. જેના કારણે ટ્રેન લગભગ 3 કલાક સુધી ઉભી રહી હતી. ઘટનાની માહિતી મળતા જ આરપીએફ અને રાણપુર પોલીસ સહિત રેલવે અધિકારીઓ ઘટના સ્થળે પહોંચી ગયા હતા.

પોલીસ આ મામલે તપાસ કરી રહી છે
પોલીસના જણાવ્યા અનુસાર લોખંડનો ટુકડો કુંડલી ગામથી બે કિમી દૂર રાખવામાં આવ્યો હતો. પોલીસ આ મામલે તપાસ કરી રહી છે રેલવેએ બીજા એન્જિનની મદદથી ટ્રેનને ગંતવ્ય સ્થાન તરફ રવાના કરી. તાજેતરમાં દેશના અનેક રાજ્યોમાં રેલવે ટ્રેકને નિશાન બનાવવામાં આવ્યા હતા. આવા મામલા એટલી હદે વધી રહ્યા છે કે રેલવે હવે NIAની મદદ લેવાનું વિચારી રહ્યું છે. ગત 18 સપ્ટેમ્બરે મધ્યપ્રદેશમાં આર્મી સ્પેશિયલ ટ્રેનના રૂટ પર 10 ડિટોનેટર મૂકવામાં આવ્યા હતા. આ ડિટોનેટર ટ્રેનના આગમન પહેલા વિસ્ફોટ થયા હતા. આ સિવાય યુપીના રામપુરમાં તોફાની તત્વોએ રેલ્વે ટ્રેક પર ટેલિફોનનો પોલ મુકી દીધો હતો.