Amreli: અમરેલી જિલ્લાના ગઢિયા ખાતે આવેલી સુપ્રસિદ્ધ દાન મહારાજની જગ્યાના મહંત હર્ષદબાપુ ભગત પર ગઈ રાત્રે ચાર અજાણ્યા શખ્સોએ જીવલેણ હુમલો કરતા વિસ્તારમાં ચકચાર મચી ગઈ છે. હુમલાખોરોએ મહંતને નિશાન બનાવી “દાન મહારાજની જગ્યા છોડી દેજે” કહી ધમકી આપી અને તલવારથી હુમલો કર્યો હતો. આ હુમલામાં હર્ષદબાપુને માથાના ભાગે ગંભીર ઇજાઓ પહોંચી હતી. ઘટનાની જાણ થતાં જ તેમને તાત્કાલિક સારવાર માટે હોસ્પિટલ ખસેડવામાં આવ્યા છે.
હુમલાનો દ્રશ્ય
માહિતી મુજબ, મહંત હર્ષદબાપુ રાત્રે પોતાના આશ્રમ વિસ્તારમાં હતા ત્યારે ચાર શખ્સો ત્યાં ઘૂસી આવ્યા હતા. તલવારથી સજ્જ હુમલાખોરોએ સીધો હુમલો કર્યો. હુમલાની ગંભીરતાને કારણે મહંતને રક્તવાહિનીમાં ભારે ઇજા પહોંચી હતી. હાલ હોસ્પિટલમાં તેમની સારવાર ચાલી રહી છે અને તબીબોની ટીમ સતત દેખરેખ રાખી રહી છે.
પોલીસ તંત્ર પર સવાલો
આ ઘટના બાદ ફરી એકવાર પોલીસની કામગીરી પર સવાલો ઊભા થયા છે. થોડા જ દિવસો પહેલાં આ જ વિસ્તારમાં કોંગ્રેસના નેતા પ્રતાપ દુધાત પર પણ હુમલો થયો હતો. તે કેસમાં હજુ સુધી આરોપીઓ પકડાયા નથી. હવે મહંત પર થયેલા હુમલાએ બતાવી દીધું છે કે કાયદો અને વ્યવસ્થાની સ્થિતિ નબળી પડી રહી છે અને ગુનેગારો બેફામ બન્યા છે.
લોકોમાં રોષ
સ્થાનિક લોકો આ બનાવને લઈને ભારે રોષમાં છે. લોકોનું કહેવું છે કે પોલીસ તંત્ર ગુનેગારો સામે ઢીલી નીતિ અપનાવે છે, જેના કારણે એક પછી એક હુમલાની ઘટનાઓ બનતી રહે છે. લોકો દ્વારા માંગ કરવામાં આવી રહી છે કે હુમલાખોરોને તાત્કાલિક પકડીને કડક સજા કરવામાં આવે, જેથી ભવિષ્યમાં આવી ઘટના ફરી ન બને.
પોલીસ હરકતમાં
હુમલાની જાણ થતાં જ પોલીસ તંત્ર હરકતમાં આવ્યું છે. આસપાસના વિસ્તારમાં નાકાબંધી ગોઠવી હુમલાખોરોની શોધખોળ શરૂ કરવામાં આવી છે. પોલીસ અધિકારીઓએ જણાવ્યું છે કે આ પ્રકરણમાં પ્રાથમિક રીતે દુશ્મની અને જગ્યા કબજાની બાબતનો એંગલ તપાસવામાં આવી રહ્યો છે.
આ પણ વાંચો
- Vijay deverkonda કાસુ માલાથી લઈને આર્મલેટ્સ સુધી… વિજય દેવરકોંડાના ઘરેણાંમાં શું ખાસ છે?
- Aquib nabi: ૧૦ મેચમાં ૬૦ વિકેટ… આકિબ નબી ફરી એકવાર પોતાની છાપ છોડી, જમ્મુ અને કાશ્મીર ઇતિહાસ રચવાની કગાર પર
- Amreli: ઝેરી દારૂથી એક જ મહિનામાં ત્રણ યુવાનોના મોત, કલોરાણા ગામમાં ભારે આક્રોશ, લીધો દારૂબંધીનો મહત્વપૂર્ણ નિર્ણય
- Ahmedabad: કાલુપુર સ્વામિનારાયણ મંદિરના રામકૃષ્ણ સ્વામી હોટલમાં મહિલા સાથે જોવા મળતાં ચકચાર, મંદિરનો લૂલો બચાવ
- Ahmedabad: એસજી હાઇવે પર ગઈકાલે મોડી રાત્રે પૂરઝડપે આવતી કારે બીજો અકસ્માત સર્જ્યો, સદનસીબે જાનહાની ટળી