Gujarat: હાલ રાજ્યમાં બેવડી ઋતુનો અનુભવ થઈ રહ્યો છે. ત્યારે હવામાન વિભાગે વરસાદની આગાહી કરી છે કે, આજે ગીર સોમનાથ, અમરેલી, ભાવનગર, નર્મદા, તાપી, નવસારી, ડાંગ, વલસાડ અને દમણ દાદરા નગર હવેલીમાં કમોસમી વરસાદ વરસશે. રાજ્યમાં આજે ક્યાંક હિટવેવની સ્થિતિ તો ક્યાંક કમોસમી વરસાદની આગાહી કરવામાં આવી છે. આજે પોરબંદર, ગીરસોમનાથ, ભાવનગર અને દીવમાં હિટવેવની આગાહી કરવામાં આવી છે. આગામી ચાર દિવસ રાજ્યમાં કમોસમી વરસાદની આગાહી કરાઈ છે.
આજે ગીર સોમનાથ, અમરેલી, ભાવનગર, નર્મદા, તાપી, નવસારી, ડાંગ, વલસાડ અને દમણ દાદરા નગર હવેલીમાં કમોસમી વરસાદ રહેશે. ગાજવીજ સાથે છુટા છવાયા વરસાદની આગાહી કરાઈ છે. આવતીકાલે ગીર સોમનાથ, અમરેલી, ભાવનગરમાં હળવાથી મધ્યમ વરસાદની આગાહી હવામાન વિભાગ દ્વારા કરાઈ છે. પોરબંદર, જૂનાગઢ અને દીવમાં આવતીકાલે પણ હિટવેવની આગાહી કરવામાં આવી છે.
આ સિવાય હવામાન નિષ્ણાંત અંબાલાલ પટેલે આગાહી કરી છે. તેમણે આગાહી કરતા કહ્યું છે કે 10 થી 18 મે સુધીમાં આરબ દેશોમાંથી આવતી આંધી તેમજ પવન ફૂંકાવાની આગાહી કરી છે. જેની અસરને પગલે કાચા મકાનના છાપરા ઉડી જાય તેવી શક્યતા છે. 4 જૂન સુધીમાં રોહિણી નક્ષત્રનો વરસાદ કેટલાક ભાગોમાં થવાની શક્યતા છે. અરબી સમુદ્રમાં પણ વરસાદની શક્યતા છે.