Gujarat News: અમદાવાદની ખ્યાતિ મલ્ટી સ્પેશિયાલિટી હોસ્પિટલમાં પરિવારની જાણ બહાર 19 જેટલા લોકોના ઓપરેશન કરવામાં આવ્યા હતા અને બે લોકોની તમામ મૃત્યુ થઈ હતી અને સાત લોકોને આઈસીયુમાં એડમિટ કરવા પડ્યા હતા. આ ઘટના બાદ સમગ્ર પ્રકરણમાં જાણવા મળ્યું કે મા કાર્ડ અને આયુષ્યમાન કાર્ડ જેવી યોજનાઓનો દુરુપયોગ કરીને ભ્રષ્ટાચાર કરવામાં આવી રહ્યો છે. આ મુદ્દા પર આજે (AAP)આમ આદમી પાર્ટી દ્વારા ગુજરાતના તમામ જિલ્લાઓમાં કલેકટરના માધ્યમથી મુખ્યમંત્રીને આયોજનપત્ર સોંપવામાં આવ્યું.
આ આવેદનપત્રમાં જણાવવામાં આવ્યું હતું કે, PMJY યોજના અંતર્ગત કામ કરતી હોસ્પિટલો દ્વારા Ma Card માંથી તો પૈસા લેવાય છે પરંતુ ઘણી બધી હોસ્પિટલો દ્વારા દર્દી પાસેથી ઉપરથી કેશ પણ લેવામાં આવે છે, તો આની સંપૂર્ણ તપાસ કરી હોસ્પિટલ અને ડોક્ટરને કડક સજા થવી જોઈએ. ઘણી બધી હોસ્પિટલનું PMJY Card નું Payment રેગ્યુલર આવે છે, અને ઘણી બધી હોસ્પિટલનું Payment ઘણા લાંબા સમય સુધી આવતું નથી, તો આવું કેમ થાય છે, એની તપાસ થવી જોઈએ. સરકારી હોસ્પિટલોમાંથી ઈલાજ મફત કરવામાં આવે છે, તો Ma Card માં શા માટે ઓપરેશન કરવામાં આવે છે, ગુજરાતમાં PMJY Card હેઠળ ઓપરેશન કે ઈલાજ થતો હોય તો એ બંધ થવું જોઈએ અને સંપૂર્ણ તપાસ કરી કડક સજા થવી જોઈએ.
સાથે સાથે આમ આદમી પાર્ટીની એ પણ માંગ છે કે ગુજરાતની સાડા છ કરોડ જનતાને મફત ઈલાજ મળી શકે તે માટે દરેક સરકારી હોસ્પિટલમાં સાધનો, પૂરતા પ્રમાણમાં ડોક્ટરો અને દરેક તાલુકા વાઇસ સંપૂર્ણ સુવિધા વાળી 200 બેડની હોસ્પિટલ બનાવવી જોઈએ જેમાં દરેક બીમારીનો મફત ઈલાજ થવો જોઈએ. સરકારી PMJY યોજના અંતર્ગત કામ કરતી હોસ્પિટલો કે જેમાં યોજનાનો ગેરલાભ ઉઠાવે છે એની સંપૂર્ણ તપાસ કરી કડકમાં કડક સજા થવી જોઈએ.