ચિદાનંદ એસ નાઈકની ફિલ્મે કાન્સમાં ભારતને અપાવ્યું ગૌરવ, ‘સનફ્લાવર વર ધ ફર્સ્ટ વન્સ ટુ નો’ને મળ્યો એવોર્ડ

77મા કાન ફિલ્મ ફેસ્ટિવલમાં મૈસૂર ફિલ્મ નિર્માતા ચિદાનંદ એસ. નાઈકની ફિલ્મ ‘સનફ્લાવર્સ વર ધ ફર્સ્ટ વન્સ ટુ નો’ને લા સિનેફ ફર્સ્ટ પ્રાઈઝ આપવામાં આવ્યું છે. ફિલ્મ ‘સનફ્લાવર્સ વર ધ ફર્સ્ટ વન્સ ટુ નો’ ફિલ્મ નિર્માતા ચિદાનંદ એસ. નાઇકે ફિલ્મ એન્ડ ટેલિવિઝન ઇન્સ્ટિટ્યૂટ ઑફ ઇન્ડિયા, પૂણેની ટીવી વિંગમાં એક વર્ષનો અભ્યાસ કર્યા પછી તે બનાવી છે. આ ફિલ્મ એક વૃદ્ધ મહિલા વિશેની કન્નડ લોકકથા પર આધારિત છે જે ચિકન ચોરી કરે છે. વૃદ્ધ મહિલાની ભૂલોની સજા તેના પુત્રને મળે છે, જેના પર ગામમાં હરવા-ફરવા, ઉઠવા- બેસવા પર પ્રતિબંધ મૂકવામાં આવે છે.

જ્યાં સિનેફ સ્પર્ધાનું પ્રથમ ઇનામ ચિદાનંદ એસને જ્યારે ભારતની માનસી મહેશ્વરીની એનિમેશન ફિલ્મ ‘બન્નીહૂડ’ને આ કેટેગરીમાં ત્રીજું ઇનામ મળ્યું છે. ઉત્તર પ્રદેશના મેરઠમાં જન્મેલી માનસીએ NIFTમાં અભ્યાસ કર્યા બાદ UKની નેશનલ ફિલ્મ એન્ડ ટેલિવિઝન સ્કૂલમાં અભ્યાસ કર્યો હતો. તેના અભ્યાસ દરમિયાન જ માનસીએ એનિમેટેડ ફિલ્મ ‘બન્નીહૂડ’ બનાવી હતી.

લા સિનેફે કેટેગરીમાં ભારત પ્રથમ અને ત્રીજા ક્રમે રહ્યું, જ્યારે બીજા ક્રમે કોલંબિયા યુનિવર્સિટીના ડિરેક્ટર એસ. અસ્યા સેગાલોવિચની ફિલ્મ ‘આઉટ ઓફ ધ વિન્ડો થ્રુ ધ વોલ’ અને ગ્રીક એરિસ્ટોટલ યુનિવર્સિટીના વિદ્યાર્થી નિકોસની ફિલ્મ ‘ધ કેઓસ શી લેફ્ટ બિહાઇન્ડ’ રહી.

કાન ફિલ્મ ફેસ્ટિવલ વતી મૈસૂરમાંથી લા સિનેફ કેટેગરીના વિજેતા ચિદાનંદને 15000 યુરો (13 લાખ 48 હજાર રૂપિયા), બીજા સ્થાને એસ. અસ્યા અને નિકોલને 11250 યુરો (રૂ. 10 લાખ) અને ત્રીજા સ્થાને રહેલી માનસી મહેશ્વરીને 7500 યુરો (6 લાખ 74 હજાર રૂપિયા) આપવામાં આવ્યા છે. શ્રેણીઓમાં જીતેલી તમામ ફિલ્મો 3 જૂને સિનેમા ડુ પેન્થિઓન ખાતે અને 4 જૂને MK2 ​​​​​​​ક્વાઈ ડી સેઈન પર ​​​​​​​દર્શાવવામાં આવશે.

​​​​​​​આ વર્ષે લા સિનેફ જીતનાર ચિદાનંદ એસ. નાઈક પહેલા વર્ષ 2020માં ભારતની અશ્મિતા ગુહા નિયોગીએ આ એવોર્ડ જીત્યો હતો. FTIIમાં અભ્યાસ દરમિયાન બનેલી તેમની ફિલ્મ કેટડોગ આ કેટેગરીમાં વિજેતા બની હતી.