અભિનેત્રી એશા ગુપ્તા સોશિયલ મીડિયા પર ઘણી એક્ટિવ રહે છે. તે સતત તસવીરો અને વીડિયો શેર કરીને તેના ફેન્સ સાથે જોડાયેલી રહે છે. મીડિયા રિપોર્ટ્સ અનુસાર, અભિનેત્રી સ્પેનિશ-આંત્રપ્રેન્યોર મેન્યુઅલ કેમ્પેસ ગુઆલરને ડેટ કરી રહી છે. અભિનેત્રીએ એક ઈન્ટરવ્યુમાં પોતાના લગ્ન વિશે ખુલીને વાત કરી છે.
પાંચ વર્ષથી ડેટિંગ કરે છે
ઈશા અને મેન્યુઅલ લગભગ પાંચ વર્ષથી એકબીજાને ડેટ કરી રહ્યાં છે. અભિનેત્રીએ એક ઈન્ટરવ્યુમાં કહ્યું, ‘લગ્ન ગમે ત્યારે થઈ શકે છે. હું અત્યારે મારા સ્વાસ્થ્ય પર વધુ ધ્યાન આપી રહી છું. જ્યારે સમય આવશે, ત્યારે હું લગ્ન કરીશ અને બાળકોને જન્મ આપીશ. હું હંમેશા બાળકો ઈચ્છું છું. બાળકો અને કૂતરા મારા જીવનના બે પાસાઓ છે, જેના વિના હું મારા જીવનની કલ્પના પણ કરી શકું એમ નથી.
અભિનેત્રીએ તેના એગ ફ્રીઝ કર્યા છે
આ વાતચીત દરમિયાન, 38 વર્ષીય અભિનેત્રીએ એ પણ ખુલાસો કર્યો કે તેણે વર્ષ 2017માં જ તેના ઇંડા ફ્રીઝ કર્યા હતા. તેણે કહ્યું, ‘મેં વર્ષ 2017માં મારા એગ્સ ફ્રીઝ કર્યાં હતાં.’ તેણે આગળ કહ્યું, ‘જો હું એક્ટ્રેસ ન હોત, તો આ સમયગાળા દરમિયાન મને ત્રણ બાળકો થઈ ગયા હોત.
તેના અને મેન્યુઅલના સંબંધો વિશે ખુલાસો કર્યો
અભિનેત્રીએ તેના અને મેન્યુઅલના સંબંધો વિશે પણ વાત કરી. તેણે કહ્યું કે 2019માં મેન્યુઅલને મળ્યા પહેલા તે લગભગ ત્રણથી સાડા ત્રણ વર્ષ સુધી સિંગલ રહી હતી. તેણે વધુમાં કહ્યું કે અમે શરૂઆતથી જ જાણતા હતા કે અમે અમારા સંબંધને લઈને ગંભીર છીએ. તેણે કહ્યું કે તે લગ્ન કરવા માંગે છે અને બાળકો પણ ઈચ્છે છે. અભિનેત્રીએ વધુમાં કહ્યું કે, ‘મેન્યુઅલ જાણે છે કે હું બાળકોને કેટલો પ્રેમ કરું છું અને તે પિતા બનવા માટે તૈયાર છે.’
અભિનેત્રીના આગામી પ્રોજેકટ
એશા ગુપ્તાએ ‘રાઝ 3ડી’, ‘ગોરી તેરે પ્યાર મેં’, ‘હમશકલ્સ’, ‘બેબી’, ‘રુસ્તમ’, ‘ટોટલ ધમાલ’, ‘પલટન’ અને ‘બાદશાહો’ જેવી ફિલ્મોમાં કામ કર્યું છે. અભિનેત્રી છેલ્લે વેબ સિરીઝ ‘આશ્રમ’માં જોવા મળી હતી. તેના આગામી કામો વિશે વાત કરીએ તો તે ‘હેરા ફેરી 4’, ‘દેશી મેજિક’ અને ‘મર્ડર 4’માં અભિનય કરતી જોવા મળી શકે છે. જોકે, મેકર્સ દ્વારા આ અંગે કોઈ સત્તાવાર જાહેરાત કરવામાં આવી નથી.