Anand mahindraને મહિન્દ્રાની SUV પસંદ છે, મર્સિડીઝ, BMW કે Audi નહીં, ખુલાસો થતા લોકો આશ્ચર્યચકિત

Anand Mahindra: મહિન્દ્રા એન્ડ મહિન્દ્રાના ચેરમેન આનંદ મહિન્દ્રાએ સોશિયલ મીડિયા પર એક પોસ્ટ દ્વારા પોતાની ફેવરિટ કાર વિશે જાણકારી આપી છે. તેમણે અત્યાર સુધી કઇ કંપનીના કયા વાહનોનો ઉપયોગ કર્યો છે તે પણ જણાવ્યું છે. આનંદ મહિન્દ્રા હાલમાં કયું વાહન વાપરે છે?

દેશની અગ્રણી SUV ઉત્પાદક મહિન્દ્રા દ્વારા ભારત સહિત વિશ્વના ઘણા દેશોમાં ઘણી શ્રેષ્ઠ SUV વેચાણ માટે ઉપલબ્ધ કરાવવામાં આવી છે. પરંતુ કંપનીના ચેરમેન આનંદ મહિન્દ્રાએ અત્યાર સુધી કયા વાહનનો ઉપયોગ કર્યો છે? બહુ ઓછા લોકો આ વાતથી વાકેફ છે. આનંદ મહિન્દ્રાએ સોશિયલ મીડિયા પર આ માહિતી આપી છે. હાલમાં તે કઈ કાર વાપરે છે? અમે તમને આ સમાચારમાં જણાવી રહ્યા છીએ.

Mahindra SUV ચલાવે છે
આનંદ મહિન્દ્રાએ સોશિયલ મીડિયા પર માહિતી આપી છે કે તે હાલમાં પોતાની કંપનીની મહિન્દ્રા સ્કોર્પિયો એન ચલાવે છે. તેમણે આ કાર ઓક્ટોબર 2022માં ખરીદી હતી અને ત્યારબાદ તેમણે તેની માહિતી સોશિયલ મીડિયા પર પણ શેર કરી હતી. સ્કોર્પિયો એન સિવાય, તેમની પત્ની પાસે સિલ્વર XUV 700 છે, જે તે ક્યારેક-ક્યારેક ચલાવે છે.

આનંદ મહિન્દ્રાએ એમ પણ જણાવ્યું કે તેણે તેની માતા પાસેથી ડ્રાઇવિંગ શીખ્યું છે. આ પછી તેણે કોડાગુ સ્થિત તેના ઘરે મહિન્દ્રા CJ3 UV ચલાવી હતી. પરંતુ જ્યારે તેઓ 1991માં મહિન્દ્રામાં જોડાયા ત્યારે તેમને હિન્દુસ્તાન મોટર્સની કોન્ટેસા કાર આપવામાં આવી હતી.

આર્મડા પણ ચલાવી
આનંદ મહિન્દ્રાએ જણાવ્યું કે જ્યારે મહિન્દ્રાએ આર્મડાનું ઉત્પાદન શરૂ કર્યું હતું. તે પછી તેણે તેનો સત્તાવાર વાહન તરીકે ઉપયોગ કર્યો. જે પછી આનંદ મહિન્દ્રાએ મહિન્દ્રાની બોલેરો, સ્કોર્પિયો ક્લાસિક, XUV 500 જેવી દમદાર SUVનો પણ ઉપયોગ કર્યો છે. તેમના કહેવા પ્રમાણે, તેમણે આર્માડા પછી ન તો અન્ય કોઈ બ્રાન્ડનું વાહન ખરીદ્યું છે કે ન તો તેનો ઉપયોગ કર્યો છે. કારણ કે તે પોતાની કંપનીની કાર ચલાવવામાં ખૂબ જ ગર્વ અનુભવે છે.