Ahmedabadના ઇસનપુર માંથી ગેરકાયદેસર રહેતા બે બાંગ્લાદેશી નાગરિકો ઝડપાયા, પાસપોર્ટ અને વિઝા વગર આવ્યા હતા ભારત
Ahmedabad શહેરના ઈસનપુર વિસ્તારમાં ચંડોળા તળાવ પાસે ગેરકાયદેસર રીતે રહેતા બે બાંગ્લાદેશી નાગરિકોની પોલીસે ધરપકડ કરી છે. તેની પાસે ન તો પાસપોર્ટ હતો કે ન તો વિઝા.
ઇસનપુર પોલીસને માહિતી મળી હતી કે ચંડોલા તળાવ પાસેના બંગાળી ઝૂંપડપટ્ટી વિસ્તારમાં કેટલાક બાંગ્લાદેશીઓ ઘૂસ્યા છે. જેના આધારે પોલીસે તપાસ હાથ ધરી તે દરમિયાન ચંડોળા તળાવ પાસે રહેતા શંકાસ્પદ લોકોની તપાસ કરતા બે લોકોની અટકાયત કરવામાં આવી હતી. પૂછપરછ દરમિયાન તેઓએ કબૂલાત કરી હતી કે તેઓ ઘૂસણખોરી કરીને અહીં પહોંચ્યા હતા.
તેમની ઓળખ બાંગ્લાદેશના નરેલ જિલ્લાના નોલડાંગા ગામના રહેવાસી સુજોન શેખ (24) અને બેંડાચોર ગામના રહેવાસી હરમન શેખ (19) તરીકે થઈ છે. બંનેને જરૂરી પૂછપરછ માટે જોઈન્ટ ઈન્ટ્રોગેશન સેન્ટર (JIC)માં મોકલવામાં આવ્યા છે. વિઝા, પાસપોર્ટ જેવા દસ્તાવેજો બંનેમાંથી એક પણ મળ્યા નથી.