લૂંટના ઈરાદે Ahmedabad આવેલા પંજાબના ચાર આરોપીઓની ધરપકડ; 2 પિસ્તોલ, પાંચ કારતૂસ સહીત છરી કરી જપ્ત

Ahmedabad ક્રાઈમ બ્રાન્ચની ટીમે લૂંટના ઈરાદે પંજાબથી અમદાવાદ આવેલા ચાર લોકોની ધરપકડ કરી છે. તેમની પાસેથી 2 પિસ્તોલ, પાંચ કારતૂસ, એક છરી અને ચાર મોબાઈલ ફોન સહિત રૂ.81 હજારની કિંમતનો મુદ્દામાલ જપ્ત કરવામાં આવ્યો છે.

ધરપકડ કરાયેલા આરોપીઓમાં પંજાબના અમૃતસર જિલ્લાના બાબાબાકાલા તહસીલના કોહટવિંડ હિંદવા ગામના રહેવાસી ગગનદીપ સિંહ રંધાવા (29), ધનિયાલ ગામના રહેવાસી રણજોધ સિંહ બડેસા (28), મનપ્રીત સિંહ બટ્ટી (30) અને પ્રભજોત સિંહ બટ્ટી (22)નો સમાવેશ થાય છે.

એક આરોપી સામે અનેક કેસ નોંધાયા છે

ક્રાઈમ બ્રાન્ચે આરોપી વિરુદ્ધ FIR નોંધી છે. તપાસમાં જાણવા મળ્યું કે આરોપી ગગનદીપ સિંહ વિરુદ્ધ પંજાબના મહેતા પોલીસ સ્ટેશનમાં હત્યાનો પ્રયાસ, હુમલો અને ચોરીનો કેસ નોંધવામાં આવ્યો હતો. ગઢશંકર પોલીસ સ્ટેશનમાં NDPSનો કેસ પણ નોંધાયેલ છે.