Ahmedabad: EDએ મહેન્દ્ર શાહની 1.5 કરોડની મિલકત જપ્ત કરી, રોકડ, કાર અને મહત્વપૂર્ણ દસ્તાવેજો સામેલ

Ahmedabad News: એન્ફોર્સમેન્ટ ડિરેક્ટોરેટ (ED) ની ટીમે અમદાવાદ અને મુંબઈમાં અનેક સ્થળોએ દરોડા પાડીને મહેન્દ્ર શાહ અને મેઘ શાહની 1.5 કરોડ રૂપિયાની મિલકત જપ્ત કરી છે.

ED એ સોમવારે આ માહિતી આપી હતી જેમાં જણાવવામાં આવ્યું હતું કે અમદાવાદ અને મુંબઈમાં મેઘ શાહ અને મહેન્દ્ર શાહ સાથે સંબંધિત સ્થળોએ દરોડા પાડવામાં આવ્યા હતા. દરોડા દરમિયાન લગભગ 1.5 કરોડ રૂપિયાની મિલકત જપ્ત કરવામાં આવી છે. જેમાં 15 લાખ રૂપિયા રોકડા, ચાર લક્ઝરી કાર, અનેક લક્ઝરી બ્રાન્ડેડ ઈમ્પોર્ટેડ ઘડિયાળોનો સમાવેશ થાય છે. આ ઉપરાંત, 40 સંસ્થાઓ અને કંપનીઓ સાથે સંબંધિત સ્ટેમ્પ અને ચેકબુક જપ્ત કરવામાં આવ્યા છે.

ED આ કેસની તપાસ કરી રહી છે

ગુજરાત ATS દ્વારા કરવામાં આવેલી કાર્યવાહીના આધારે, ED એ 28 એપ્રિલે ફોરેન એક્સચેન્જ મેનેજમેન્ટ એક્ટ (FEMA) ની કલમો હેઠળ મહેન્દ્ર શાહ અને મેઘ શાહ સામે તપાસ શરૂ કરી હતી. DRI અમદાવાદ, ATS ગુજરાતની સંયુક્ત ટીમે અમદાવાદના પાલડી વિસ્તારમાં સ્થિત એક ઘરમાં દરોડો પાડ્યો હતો અને 88 કિલો સોનું જપ્ત કર્યું હતું, જેમાંથી 52 કિલો દુબઈ, ઓસ્ટ્રેલિયા, સ્વિટ્ઝર્લૅન્ડ બ્રાન્ડનું હતું. આ ઉપરાંત, રૂ. 1.5 કરોડ રૂપિયાની રોકડ જપ્ત કરવામાં આવી હતી. ૧.૩૭ કરોડ, હીરાના દાગીના અને મોંઘી ઘડિયાળો જપ્ત કરવામાં આવી હતી.

તેના આધારે તપાસ શરૂ કરીને, ED એ પાછળથી 23લાખ રૂપિયાની રોકડ જપ્ત કરી. આ કેસની તપાસમાં મળેલા તથ્યોના આધારે, ED ટીમે 7 અને 8 ઓગસ્ટના રોજ અમદાવાદ અને મુંબઈમાં અન્ય ઘણી જગ્યાએ તપાસ કરી હતી. જે દરમિયાન રોકડ, કાર અને મહત્વપૂર્ણ દસ્તાવેજો જપ્ત કરવામાં આવ્યા હતા.