અમદાવાદના માર્ગો પર ટ્રાફિકનું ભારણ ઘટાડવા માટે મોટો નિર્ણય લેવામાં આવ્યો છે. અગાઉના સફળ પ્રયોગ બાદ હવે એએમટીએસ બસો બીઆરટીએસ કોરિડોરમાં દોડશે. હવે BRT કોરિડોરમાં 5 રૂટ પર 49 વધારાની AMTS બસો દોડશે. પ્રાપ્ત માહિતી અનુસાર અમદાવાદમાં ટ્રાફિકની સમસ્યા સતત વધી રહી છે. રસ્તો સાંકડો બની ગયો છે. તેથી, અમદાવાદમાં રસ્તાઓની ભીડ ઘટાડવા માટે વધુને વધુ AMTS બસો દોડાવવાનો નિર્ણય લેવામાં આવ્યો છે.
AMTS બસોને ડાયવર્ટ કરવામાં આવશે
અમદાવાદના ઘણા વિસ્તારોમાં BRTS કોરિડોર છે, જેમાં અત્યાર સુધી માત્ર BRTS બસો જ દોડતી હતી. જ્યારે AMTS બસો બહારના રસ્તાઓ પર દોડતી હતી. શહેરના કેટલાક રસ્તાઓ અને નદી બાજુના વિસ્તારોમાં સાંકડા રસ્તાઓ અને ગલીઓના કારણે ટ્રાફિક જામની સમસ્યા વધુ વકરી છે. તેથી, કોરિડોરની બહાર જતી પાંચ રૂટની AMTS બસોને BRTS કોરિડોર તરફ વાળવામાં આવશે.
તેથી બસમાં મુસાફરી કરતા લોકોએ ખાસ ધ્યાન રાખવું જોઈએ. હવેથી તેઓએ એએમટીએસ બસ રૂટ પર બસ સ્ટેન્ડને બદલે બીઆરટીએસ સ્ટેશને બસ લેવા જવું પડશે. BRTS બસ સ્ટેન્ડ પરથી AMTS બસની ટિકિટ મળશે નહીં. AMTs બસોની ટિકિટમાં પણ કોઈ ફેરફાર કરવામાં આવ્યો નથી. જો આ નિર્ણય સફળ થશે તો ટ્રાફિક પરનું દબાણ ઘટશે. આ ઉપરાંત મુસાફરોને પણ સુવિધા મળશે. આગામી દિવસોમાં તમામ બસો બીઆરટીએસ કોરિડોરમાં દોડતી જોવા મળશે.
કયા માર્ગો શામેલ છે?
અમદાવાદ શહેરમાં ટ્રાફિક અને વાહનોની સંખ્યા સતત વધી રહી છે. અમદાવાદ મ્યુનિસિપલ કોર્પોરેશન દ્વારા સંચાલિત પરિવહન સેવા AMTS બસોને BRTS કોરિડોર પર ચલાવવાનો નિર્ણય AMTS દ્વારા લેવામાં આવ્યો છે. બીઆરટીએસના બાહ્ય માર્ગો પરનો ટ્રાફિક ઘટાડવા માટે કોરિડોરમાં એએમટીએસ બસો દોડાવવામાં આવી રહી છે. શરૂઆતમાં 49 બસો પૂર્વથી પશ્ચિમ વિસ્તારોને જોડતા 5 રૂટ પર દોડશે. જેના કારણે BRTS બસ સ્ટેન્ડ પરથી AMTS બસો પણ ઉપલબ્ધ થશે. કોરિડોરમાં ઓઢવથી ઘુમા, સારંગપુરથી બોપલ, ઘુમાથી નરોડા, ઇસ્કોનથી વિવેકાનંદ નગર અને ગોધવીથી હાટકેશ્વર સુધી વાહનો દોડશે.