Ahmedabad: રેલવે કર્મચારીઓની સરકાર પાસે માંગ, રેલવે એન્જિનિયરોનો 1 કરોડ રૂપિયાનો અકસ્માત વીમો હોવો જોઈએ

Ahmedabad News: વેસ્ટર્ન રેલવે એન્જિનિયર્સ એસોસિએશન (WREA)ની વાર્ષિક બેઠક રવિવારે અમદાવાદમાં મળી હતી. મીટીંગમાં જુનિયર એન્જીનીયર કેડરને ગ્રુપ બી ગેઝેટેડ કક્ષામાં અપગ્રેડ કરવા. જોખમ ભથ્થું વધારીને 30 ટકા કરવા રેલવે એન્જિનિયરોને 1 કરોડ રૂપિયાનો અકસ્માત વીમો પૂરો પાડવા, મુખ્ય સ્ટેશનો પર અલગ રેસ્ટ હાઉસની વ્યવસ્થા કરવા અને નવી પેન્શન યોજનાને વૈકલ્પિક બનાવવા સહિતની માગણીઓ પર ચર્ચા કરવામાં આવી હતી.

તકનીકી વિકાસની ચાવી તરીકે ઇજનેરોની એકતાના સંદેશને પુનરાવર્તિત કરીને બેઠકે અન્યાય સામે એકતા રહેવા અને જૂથ B માટેની લડતને આગળ ધપાવવાનો સંકલ્પ કર્યો.

બેઠકની અધ્યક્ષતા આદિત્ય પ્રકાશ મૌર્યએ કરી હતી અને મહામંત્રી શિવકાંત સિંહે એજન્ડા મુજબ તમામ વિષયો પર ચર્ચા કરી હતી. આ પ્રસંગે મુખ્ય સલાહકાર આર. પી.શર્મા, મુકેશ નાગર અને સુનિલ દત્ત ચતુર્વેદી મુખ્ય અતિથિ તરીકે હાજર રહ્યા હતા. ઉત્તર પશ્ચિમ રેલવેના ઝોનલ પ્રમુખ જી. આર. પન્નુ અને વિશેષ અતિથિ એન. આર. બૈરવની સભામાં ખાસ ઉપસ્થિત રહ્યા હતા. તેમણે ટેક્નિકલ એન્જિનિયરો પ્રત્યે રેલવે પ્રશાસન અને રેલવે બોર્ડના નકારાત્મક વલણ પર નારાજગી વ્યક્ત કરી હતી.