JK Election: બીજા તબક્કાના મતદાન પહેલા કોંગ્રેસને મોટો ફટકો, કુલભૂષણ ખજુરિયા ભાજપમાં જોડાયા

JK election: જમ્મુ-કાશ્મીરમાં વિધાનસભા ચૂંટણી 2024ના બીજા તબક્કાના મતદાન પહેલા કોંગ્રેસને મોટો ઝટકો લાગ્યો છે. વાસ્તવમાં કોંગ્રેસના નેતા અને પૂર્વ સરપંચ કુલભૂષણ ખજુરિયા અને પૂર્વ પંચ કલ્પના દેવી મંગળવારે ભારતીય જનતા પાર્ટીમાં જોડાયા હતા. આ અવસરે જી કિશન રેડ્ડીએ કહ્યું કે વડાપ્રધાન નરેન્દ્ર મોદીથી પ્રભાવિત થઈને દરેક જાગૃત વર્ગ ભાજપમાં જોડાઈ રહ્યો છે.

કોંગ્રેસના નેતા અને પૂર્વ સરપંચ કુલભૂષણ ખજુરિયા અને પૂર્વ પંચ કલ્પના દેવી મંગળવારે ભારતીય જનતા પાર્ટીમાં જોડાયા હતા.

ત્રિકુટા નગરમાં પાર્ટી હેડક્વાર્ટર ખાતે આયોજિત એક કાર્યક્રમમાં કેન્દ્રીય મંત્રી અને જમ્મુ અને કાશ્મીર ભાજપના ચૂંટણી પ્રભારી જી કિશન રેડ્ડી અને જમ્મુ અને કાશ્મીર ભાજપના કાર્યકારી અધ્યક્ષ સત શર્મા દ્વારા તેમનું ભવ્ય સ્વાગત કરવામાં આવ્યું હતું.