kolkata case: પુરાવા સાથે છેડછાડનો આરોપ, પૂર્વ આચાર્ય ઘોષ અને SHOને CBI રિમાન્ડ પર મોકલાશે?

Kolkata case: કોલકાતા ડોક્ટર મર્ડર કેસમાં પૂર્વ આચાર્ય સંદીપ ઘોષ અને તાલા પોલીસ સ્ટેશનના ઈન્ચાર્જ અભિજીત મંડલની ગઈકાલે સીબીઆઈ દ્વારા ધરપકડ કરવામાં આવી હતી. મેડિકલ કોલેજમાં તાલીમાર્થી મહિલા ડૉક્ટરની બળાત્કાર-હત્યાના કેસમાં સીબીઆઈએ આજે ​​બંનેને કોર્ટમાં રજૂ કર્યા હતા. હવે બંને આરોપીઓને કોર્ટમાં રજૂ કરવામાં આવ્યા છે. સીબીઆઈ કોર્ટ પાસે બંનેના રિમાન્ડની માંગણી કરશે.

કોલકાતાની આરજી કાર હોસ્પિટલના પૂર્વ પ્રિન્સિપાલ સંદીપ ઘોષ અને તાલા પોલીસ સ્ટેશનના ઈન્ચાર્જ અભિજીત મંડલની ગઈકાલે સીબીઆઈ દ્વારા ધરપકડ કરવામાં આવી હતી. મેડિકલ કોલેજમાં તાલીમાર્થી મહિલા ડૉક્ટરની બળાત્કાર-હત્યાના કેસમાં સીબીઆઈએ આજે ​​બંનેને કોર્ટમાં રજૂ કર્યા હતા.

પુરાવા સાથે ચેડા કરવાના આરોપમાં કોર્ટમાં હાજરી
આ કેસની તપાસ કરી રહેલી સીબીઆઈએ શનિવારે સાંજે ઘોષ સામે પુરાવા સાથે ચેડા કરવાના આરોપો ઉમેર્યા હતા. ઘોષ પહેલાથી જ ન્યાયિક કસ્ટડીમાં છે અને મંડલની ધરપકડ કરવામાં આવી હતી. એક અધિકારીએ જણાવ્યું કે મંડલની કથિત રીતે પુરાવા સાથે ચેડા કરવા, એફઆઈઆર દાખલ કરવામાં વિલંબ અને અન્ય આરોપો બદલ ધરપકડ કરવામાં આવી છે.